Sortze

Ongi etorri "Ana" neskattoari. Baigorri Irubeko Bastien Lissar eta Celia Estraderen lehen haurra da. Ez dugu dudarik Alain eta Genevievek heien aitatxi-amatxi ofizioa ongi beteko dutela. Gure goresmenak familia guziari.

Nesken pilota finalak

Nesken Frantziako xapelketako 5 gomazko paleta finala jokatu dira joan den igandean, Baionako Moderne trinketean. Zaharrer Segiko pilotariak baginituen, 5 finaletarik 4etan. Garaipen bat etazoritxarrez 3 galtze.

-"National" lehiaketan, Aines eta Maiana Laxague galtzaile artekoen mailan 33/40 Oztibartarrak-en kontra.

-Frantziako xapelketaren kondu, gazteetan, Elena Semerena eta Joana Dutaret-Bordagarai xapeldun 40/12 Airetik-en kontra.

Helduetan, B mailan, Elena Semerena eta Mirentxu Hirigaray kintze batez galtzaile 39/40 Landesetako Tossen-en kontra. Goizean jadanik aritu izanik, egun berean bi final jokatu ditu Elena Semerenak. Mirentxu Hirigarai, Amaia Serreren orde ari zen.

Helduetan, A mailan Joan Aguerre eta Martta Hirigaray ere galtzaile 19/40 Arbonako Amaia Etchelecu eta Maritxu Chapelet-Housset-en kontra.

Festibala

"Institut Francophone pour la Justice et la Démocratie - Louis Joinet" elkarteak Baigorriko Bil Etxeko zinegelara gomitatzen gaitu ibiakoitzean, uztailaren 2a, "Gure memoria, zuen historiak bila" filma dokumentalaren aurkezpenera (17:45).

Kermeza

Baigorriar guziak parropiaren kermezara gomitatuak gira, igande huntan, uztailaren 3an. Meza Irulegin (9:00) eta Baigorrin (10:30), ondotik aperitifa eta bazkaria Plaza Xokon. Izenak eman ahalaz aitzinetik, Kattin Oronos 05-59-37-40-34 edo Jacqueline Handia 05-59-37-18-83. Arratsaldez animazioak eta errota sarien irabazteko, jokoak haurrentzat eta talo eta xingar ilunabarrean (19:00).

Mehaka

Biharamunean, astelehenez idekiko da "Mehaka" historia gunea Herriko Etxean. Baxe Nafarroaren iragana kondatzen duen erakustokia. Hunen bisita komentatuko dauzuegu heldu den asteko alean.