"Erresistentziako emazteen plaza"

Bask'Elles elkartearen iniziatibaz, Herriko Etxearen sustenguarekin, "Jordan" deitua zen plaza, "Place des Femmes de la Résistance (1939-1945)" izendatua izan da. Gune hori Euskaldunen Plaza ondoan kokatzen da.

Estreinaldian presente ziren Jean-René Etchegaray auzapeza, Déborah Loupien-Suarès berdintasunaz arduratzen den axuanta, Yves Ugalde kultura axuanta eta Martine Bisauta hautetsia. Hauekin batean Michaella Clapisson Bask'Elles elkarteko ordezkaria eta erresistentzian parte hartu zuten baionar familien ordezkariak ere etorriak ziren. Karia horretara Prissé eskolako haurrek, emaztek idatzi eta kantatu abestiak eman dituzte.

Oharra egina izan da, plaza horrek euskaraz izendatzea mereziko zuela.

Bestetan kitorik sartzeko

Bestak pagatuz baldin badira, herritarentzat eta lanerako hirian sartu behar dutenentzat kitorik izanen da. Horretarako ekainaren 20tik geroztik, Baionako hiru Posta bulegoetan eta hiru herriko bulego zerbitzuetan (Herriko Etxea, Glain-eko Elkarteen Etxean eta Gaskoien plazan) hartzen ahal dira, uztailaren 30a arte.

Ukaraikoa kitorik ukaiteko, herritarrek Baionan bizi direla justifikatu beharko dute, hiru hilabete baino gutiagoko egiaztagiria erakutsiz (argi/gas faktura...).

Profesionalek beren aktibitatea ahalik eta baldintza onenetan egin dezaten, sarbide-eskubidearen menpeko perimetroan kokatuta direnean, "Pass" kitorik eskuratuko dute. Langileentzat, enplegatzaileari izanen da galdegitea.