Herriz Herri - Angelu (L) | 2022ko Ekainaren 30a
Elkarretaratze deia: etxebizitza saloian
"Okupatzaile Sare Tematsua, Irabazi Arte" kolektibo berriak elkarretaratze deialdia zabaldu du, uztailaren 1ean (12:30), Océan gelaren aitzinean, hor iraganen baita etxebizitzaren saloia. Igorri agerian "Euskal Herri osoan etxebizitza krisia nabaritzen eta hedatzen den mementoan, Angelun, uztailaren 1, 2 eta 3an etxe promotore eta artekariak elkartzen dira, lurraldean gure bizi baldintzak tratu egiteko prest. Aski da! Urtero hutsezko etxe kopurua handituz, etxebizitza prezioen emendatze izugarria ikusiz, bigarren etxebizitzen biderkatzea, etxebizitza sozialen eskasa, laborantza lurren artifizializazioa, espekulazioari uko egin behar da!" irakurtzen ahal da.
