Emazteeri egin bortizkerien kontrako Nazioarteko Egunaren markatzeko, Euskal Herriko hainbat talde feministek martxa bat antolatzen dute azaroaren 24an, larunbatarekin (15:30), Baionako Herriko Etxe aitzinean, Estatu frantseseko "Nous Toutes" mugimenduarekin batera. Hau dela eta batzorde bat sortu dute, Guk emazte orok - Euskal Herria. "Nous Toutes" ekimen kolektiboa da, sexu eta genero bortizkerien kontra estatu osoko proiektu herritar handi bat da. Xedea dute azaroaren 24an milaka emazte eta gizon karriketan izan daitezen, espazio publikoaren okupatzeko, ohartarazteko bortizkeriak direlarik denen ardura dela. Horrez gain agintari politikoek ere beren ardurak har ditzaten deia egiten dute eta biktimen babesteko behar diren neurriak plantan jartzeko. Kolektiboak datu batzuk ere eman ditu: 3 egunetarik emazte bat kolpeek hiltzen dute, 254 emaztek bortxaketa edo bortxaketa entseguak jasaiten dituzte egunero estatu frantsesean. Horrez gain, bortxaketen %9 bakarrik salatuak dira eta...

Badu 40 urte Otxalde taldeak, kreazio eta herrikoi kantuak, folk moldean musikatzen dituela. Egungo taldea zazpi kantari-musikari eta teknikalariz osatua da: Maitexa (Ahotsa), Miren (pianoa, ahotsa), Johanna (ahotsa), Beñat (kitarra, ahotsa), Cédric (eskusoinua, ahotsa), Marko (flautak, armonika, ahotsa) eta Arño (perkusioak). Euskal musika, bainan ere munduko folk musika giroan, taldeak kantatzen du herria, hizkuntza, lurra, haurtzaroa, anaitasuna, askatasuna, nostalgia, emigrazioa, amodioa... Kantuen gaiak taldean asmatuak dira eta ondotik olerki moduan idatziak: Itxaro Borda, Xan Errotabehere edo Beñaten lumaren eskuetatik. Bainan ere, azken mende hauetako olerki eta bertsu xaharrak eskuratzea gustatzen zaio taldeari. Hala nola, Joanes Otxalde (XIX°), Jean Barbier (XIX° - XX°), Jose Antonio Artzeren bertsu batzuk. Taldeak berak sorzen ditu musika gehienak; folk mundu guziko soinueri ekartzen dio interesa izan dadin, Irlanda, Eskozia, ipar eta hego Amerika, Europa...

Itxaro Borda ezaguna den olerkari- idazleak (Oragarre) eta Séverine Dabadie (Biarritze) argazkilariak, bien artean publikatzen duten liburuaren titulua da. Arthur Rimbaud olerkari famatuaren olerki bat hartzen dutela adibidetzat, nun bokale bakoitzari espektro kromatiko naturalaren koloreetan hautatu bat oparitu zion. Olerkiak eta argazkiak elgar juntaturik bokale bakoitzari, irakurlea ibiltzen da Euskal Herrian zehar. Euskal Herriko kultura, etxeak, itsasbazterrak, gertakariak... argazki bakoitzaren parean, bi hizkuntzetan idatziak diren olerkiek osatzen duten irudia.

Bokaleak (Arthur Rimbaud, itzulpena Mikel Lasa)

A beltz, E zuri, I gorri, U musker, O more:

Esanen dut noiz zuen sortze izkutua:

A, kirats ankerren inguruan burrundari

Euri disdiranteen korset beltz iletsua,

Itzal golko; E, denda eta lurrunen leinuru,

Glaziar fierren orratz, errege zuri, unbel dardarati.

I, purpura, odol zipriztin, ezpain ederren...

...

Joan den urriaren 18an, ostegunez, laugarreneko ikasleak Baionako Euskal Museora joan dira; 4A eta 4Bkoak goizez eta 4Dkoak arratsaldez. Lurraldeak proiektua kari, "Gaur 1966, Euskal Arte Frankismoaren garaian, ihardukitzea eta abangoardia" erakusketa gidatua ukan dute alde batetik eta bestalde, museoko gune desberdinak deskubritzeko aukera. Zortzi artisten obrak hurbiletik aztertu dituzte: Rafael Ruiz Balerdi, Nestor Basterretxea, Amable Arias, Jorge Oteiza, Jose Luis Zumeta, Jose Antonio Sistiaga, Remigio Mendiburu eta Eduardo Chillidaren zizelkadurak eta margolanak. Ondotik, galdezketa fitxa bat bete dute Ziburuko bidea hartu aitzin. Milesker Hego Lapurdiko hiri elkargoari bere partaidetzarendako.

...