Egurra

Urtero bezala Herriko Etxeak lotak proposatzen dizkie herritarrei, herriko oihanetan mozteko, neguko berotzeko egurra egiteko. Errexki mozten ahal diren lotak dira, 12 esteretakoak, 350€ bakotx. Uztailaren 15eko eman behar da izena, mailez edo Herriko Etxera idatziz.

Bero handiak

Bero handiak iragartzen dira uda huntako. Huna beraz zer antolatzen duen Herriko Sozial Zentroak: bakarrik bizi diren jendeak, adinetakoak, eriak edo enbalierak nor eta nun diren jakin nahiz izena emaitea galdegiten du, behar orduan, aitzinetik izenak jakinez geroz, laguntza eraginkor bat berehala ekartzeko gisan. Izenaren emaiteko Herriko Etxea deitu behar da: 05 59 70 29 07, goizetan (09:00-12:30)

Erakusketa

Choribit gelan erakusketak berriz abiatzen dira: uztailaren 13tik 19ra, Hazparnen bizi den Georgia Niekrasz anderearen obrak ikusgai izanen dira. Tinduak eta ilustrazioak egiten ditu eta teknika asko erabiltzen: oligoa, akrilika, akuarela, kolaketak... Hazparne Ekoizpen nasaiak eta aberatsak beraz.

Mendixola korala

Hara uda usaina duen beste gertakari bat ere izanen dela elizan uztailaren 21ean (20:45). Jadanik herrian ongi ezaguna da talde mixto hori eta berezitasun anitz dituen errepertorio bat eskaintzen du, hizkuntza askotan. Béatrice Lissarague Durruty andereak zuzentzen du 15 bat partaide dituen korala hori.

Ezkia ikastola

Ikastolak langile bat xerkatzen du garbiketa eta kantinako, 2020-2021 ikasturteko, kontratua 25 oren astean, ahalaz PEC kontratu pean. Egin beharrak: kantinan mahaina eman, zerbitzua egin, haurreri laguntza ekarri, bai eta haurren zaintzea. Behar diren gaitasunak: euskara menperatzea beharrezkoa da, talde lanerako eta harremanetarako gaitasunak, garbiketa lanetan usaia eta gostua ukaitea. Interesatua denak hautagaitza uztailaren 28a aitzin helarazi behar du: Ezkia Ikastola, Lapurdi plaza, 64240 Hazparne edo ezkia.ikastola@gmail.com.