Eskubaloia

Nazional 2 mailan, lehen taldeak Bruges-en 34-24 irabazi du. Partida serios baten ondotik, prenazional mailan, bigarren taldeak Floirac-en kontra 22-37 galdu du. Frantziako xapelgoan, hemezortzi urtez petik taldeak Billère talde gotorraren kontra 20-38 galdu du.

Nesketan, nazional 3 mailan, Kanbo/Irisarrik 29-20 irabazi du Bordes taldeari. Bigarren taldeak 21-27 galdu du Buros taldearen kontra. Erregional mailan, hemezortzi urtez petikoak Atharratzeren kontra 35-28 nagusitu dira.

Heldu den aste hondarreko partidak - Gizonetan, prenazional mailan, bigarren taldeak larunbatean (18:00) Kanbon Bruges 33 errezibituko du. Frantziako xapelgoan, hemezortzi urtez petikoak Tolosara joanen dira, igande arratsaldean (14:00).

Nesketan, nazional 2 mailan, lehen taldeak larunbatean (20:00) Bruges 33 Kanbon errezibituko du.

Bigarren taldea larunbatean Denguinera joanen da (21:00).

Pilota: udako lehiaketaren finalak

Joan den asteko berrietan esku-huskako emaitzak eman ginituen, aldi huntan palantxarenak, Irisarriko Herria trinketean iragan direnak. Hirugarren mailan: Sylvain Lalaurette-Patxi Sansinenena 40 / Imanol Urruty-Guillaume Sallaberry 33. Bigarren mailan: Marc Fordin-Ximun Amestoy 40 / Yannick Franchisteguy-Jérôme Oxandabaratz 35. Lehen mailan: Iban Eyherabide-Thomas Gachen 40 / Michel Berterretche-Pierre Couillet 31. Partidak giro goxoan iragan dira, hemen ere galtzaileak ala irabazleak txalotzekoak dira, ahantzi gabe antolakuntzan arduratu diren René Muscarditz eta bere taldea!