Herriz Herri | 2022ko Irailaren 15a

Herriko bestak

Gure eskualdean azkenetako bestak izanez, usaian arrakasta badute. Herriko gaztek egitarau aberatsa proposatzen daukute, ostegunean antzerkiarekin hasiko dena. Ostiralean eta astelehenean pilotazaleak herriko trinketera hurbilduko dira, Lapurdiko pilota lehiaketarentzat, ostiralean 2 finalerdiak jokatuko dira eta astelehenean finalak (18:30).

Ostiralean Maialen Lujanbio eta Amets Arzallus-ekin bertsu afaria, Etchebarne ostatuan (20:00), ondotik plazan kontzertuak entzungai izanen dira....

Herriz Herri | 2022ko Irailaren 08a

Antzerki eta bertsu afaria - Elkarteen forua

Antzerki eta bertsu afaria

Herriko bestak hurbiltzen hasiak dira, ondoko astean egitarau zehatza agertuko dugu. Oraindanik besten kari iraganen diren bi hitzorduren berri eman nahi dugu. Lehena irailaren 15ean, ostegunarekin, Jostakin antzerki taldeak haurren ikusgarria emanen du, Hodi Aldean (20:00), ondotik talo eta edateko.

Bigarrena, bertsu afaria Etxebarne ostatuan iraganen da, buruilaren 16an, ostiralarekin (20:00), saio eder baten mentura, Maialen Lujanbio...

Herriz Herri | 2022ko Agorrilaren 04a

Dantza filma

Agorrilaren 27an, iluntzean, herriko plazan Telmo Esnal-ek egin "Dantza" filma ikusgai izanen da.

Istorioa: Ekaitza hor da, soroetan lan egun luze baten ondotik. Euria gelditzen denean, bizitza berpizten da, garai batean lur antzuen bihotzean. Fruta bat sortzen eta ontzen da, eritasunari ihardukitzen du eta sagarnoa ekoiztuko duen sagarra bihurtzen da. Uztaren ospatzeko tenorea etorri da, trinkatzeko eta maitasuna ospatzeko garaia helduko da.

Sartzea urririk.

Herriz Herri | 2022ko Ekainaren 16a

Legebiltzar hauteskundeak

Horra gure herriko bozen emaitzak: Urrutikoetxea (EHBai) eta Trounday (Ensemble) berdin atera dira bakoitzak 78 boz eginez, ondotik Lassalle (Résistons) 69 boz, Etchaniz (Nupes) 67 boz, Lopez (RN) 37 boz, Taillefer (Reconquête) 9 boz eta Bouchart (Animalien alde) 5. Bestalde baliogabeko bat eta bi xuri izan dira. Heldu den igandean berriz bozkak iraganen dira.

Herriz Herri | 2022ko Ekainaren 02a

Baigura Ikastolak 10 urte!

Lekornen plantatua den ikastolak 10 urte ospatzen ditu. Ikasleak Heleta, Makea, Lekuine eta Lekornetik heldu dira.

Urteurrena ospatzeko, urtean zehar gertakari batzuk antolatuak izan dira. Aldi huntan ikasturtea bururatzera doala, ekainaren 11n, larunbatarekin besta eguna antolatzen du. Gerezietako auzoan hitzordua emana da (9:30), desfile batekin hasiko da, dantzari eta bertsulariak lagun. Garroan geldialdia eginen du, lekukotasunak entzuten ahalko dira, ibilaldia herriko plazan...

Herriz Herri | 2022ko Apirilaren 28a

Bozak

Hauteskunde presidentzialen emaitzak

Presidentzialen emaitzak hauexek izan dira: 660 boz-emaile dira herrian. 508 bozkatzaile: xuri 46, baliorik ez 22, Macron 267, Le Pen 173.