Herriz Herri - Lekuine (L) | 2017ko Urriaren 05a

Mintzaldi

Thierry%20Truffaut%20(arg.%20EKE) — Thierry Truffaut (arg. EKE)

Heldu den urriaren 13an, arratseko 8etan, Lekuineko Lilipean gelan, Kaskarotei buruzko konferentzia bat iraganen da "Kaskarotak atzo eta egun" lelopean.

Heldu den urriaren 13an, arratseko 8etan, Lekuineko Lilipean gelan, Kaskarotei buruzko konferentzia bat iraganen da "Kaskarotak atzo eta egun" lelopean. Gai horretan aditua den Thierry Truffaut (Baiona 1957) antropologoak animatuko du. Ihauteriei buruzko obren idazlea da, Lapurdiko ihauterien berrikuntzak jorratu ditu bereziki. Gaualdia goxoki bururatuko da, edatekoak eta bixkotxak elgarrekin partekatuko baititugu. 2017an iragan diren Lekuineko kaskaroten argazkiak begiratzeko parada izanen da ere. Alabainan, iazko neguan, lehen aldikotz, Lekuineko auzo ezberdinetako jende multzo batek Kaskarotak martxan jarri zituen, dantzak ikasiz, jantziak josiz eta bi asteburuz auzoetan pasatuz. Esperientza biziki aberasgarria izanik, aurten ere dantzari zein musikariak berriz abiatzeko prest agertu dira. Konferentziaren sartzea dohainik izanen da.

3419. zbk

Gauza eder asko ere erran daiteke frankotan itsusia zaigun mundu honetaz.

Jacques Dor

Gure Hitza | 2017/10/05

Aldaketak

Janbattitt Dirassar

Joan den astean, izan naiz Baionan.

Joan den astean, izan naiz Baionan. Bazkal ondoan, bilkura batetarat joan aitzin, banuen nonbait han oren bat ene gusturat ibiltzeko harat eta honat. Denen buru, nahiago ukan dut, irakurgai bat harturik, jarririk egon Léon-Bonnat etorbidearen saihetseko parkean. Bazen han jende andana bat, batzuk itzalean eta besteak eguzkitarat. Gauza bati berehala ohartu naiz. Salbu bi emazte, solasean zaudenak, beste guziak bakarrik zauden baina ez arras bakarrik egia erran zeren-eta denek eskutan zuten beren mugikorra eta norbaitekin ari ziren kalakan... Eta ni gogoetatua... Zer eginen zuten bada gizon eta emazte horiek mugikorrik ez balitz izan? Nola bizi ginen bestenaz mugikorrik ez genuelarik? Jakinaren gainean tresna horiek ez direla hain aspaldi agertuak... Gauza bera erraiten ahal da beste muntadura askotaz, konparazione Internet sareaz... Gaurko egunean nolako errextasunak ez dira ba denetarat sartuak diren tresneria horiekin? Noiz nahi mintzatzen ahal zira Patagonian bizi den...

Irakurri segida

PDFa jaitsi