Herriz Herri - Kanbo (L) | 2017ko Urriaren 19a

Accueil Paysan, etxalde bisita

Accueil Paysan agroturismo ezaugarria daukan egiturak 30 urte ospatzen ditu aurten eta karia hortara etxalde zenbaitetan ate idekiak antolatzen ditu.

Accueil Paysan agroturismo ezaugarria daukan egiturak 30 urte ospatzen ditu aurten eta karia hortara etxalde zenbaitetan ate idekiak antolatzen ditu. Kanbon, Jean-Pierre Gogny erlezainaren Harizkazuia etxalde pedagogikoak ditu ateak zabalduko urriaren 26an, ostegunez. Huna egunaren programa: 11:00 jokoak, animazioak eta tailerrak laborantza eta erlezaintzari lotuak; 15:00 atsalaskaria, tokiko ekoizpen edo produktuekin: ogia, erreximenta, eztia, gasna, esnea, sagar jusa. Eguna urririk da eta familia guzieri idekia. Bazkariarentzat, piknika ekarri behar da. Izenak aitzinetik eman dira, antolakuntza errexteko eta etxaldearen helbide xuxena jakiteko: Leire 07 67 30 51 94 (edo leire@ehlgbai.org).

Herriz Herri - Kanbo (L) | 2017/10/19

Erakusketa Integrazio Batzordearen alde

Ttantta izenordearekin ezaguna den Brigitte Massonde artistak eta hunen lagunek margolan eta poteria erakusketa antolatzen dute Assantza kultur gunean, urriaren 17tik 28ra zabalik dagona.

Irakurri segida

3421. zbk

Jainkoak txori guziei ematen du jatekoa baina ez beren ohantzerat.

Suediako erran zaharra

Gure Hitza | 2017/10/19

Izar bat itzali zaigu

Jean-Louis Harignordoquy

Euskal telebistatik Egi Bidean emankizunean ez dugu gehiago Iñaki Beristain Frantziskotarra ikusteko eta entzuteko atseginik ukanen.

Euskal telebistatik Egi Bidean emankizunean ez dugu gehiago Iñaki Beristain Frantziskotarra ikusteko eta entzuteko atseginik ukanen. Minbiziak hilabete batez eraman du gorputzez larria bezain indartsua zen 70 urtetako gizona. Sortzez Errezildarra, 1968az geroz Arantzazuko Santutegian bizi zen. Hango aldizkariaren arduraduna eta kantari taldearen aitzindaria, paregabeko predikaria zen. Behar bezalako eliza gizon irekia, otoitz egile nekaezina baina denbora berean gaurko jendartearen arrangurez, bizi moduez eta tira-birez errotik jakinaren gainean zegoena. Euskara ederrean laster lasterra mintzatzeko errextasun handikoa, bere hitzaldi guziak biziki sarkorrak, bide erakusleak ziren. Baikortasun osoz, nehor nehoiz behartua sentiarazi gabe, nolako aholkuak ez zituen ematen familietako biziari buruz, herrigintzaz, bakegintzaz eta lur honetako lanjer mota guziak ekiditeko moldez! Entzuna izateko gutizia ematen zuen ebanjelioko mezuaren eta mundu honetako errealitatearen arteko lotura...

Irakurri segida

PDFa jaitsi