Sartzea ama eskolan eta lehen mailan Bigabat eskola publiko elebidunean: -Izturitzen ama eskolan: orotara 39 ikasle dira, horietan 16 herritar. Castillon jauna da beti zuzendaria eta frantses irakaslea, euskarazkoan aitzineko berdina Marie- Claire Dufau. Laguntzaile: Veronique Labat-Garay, Audrey Ipuy eta berri bat Karine Hilderal. -Aiherran lehen mailan: 2 herrietako 38 ikasle biltzen dira, Izturitzetik 21. Guillaume andere zuzendariaren ardurapean, euskarazko partea Humayou anderearen gain delarik. -Arberoa ikastolan: 68 ikasletarik 22 dira Izturitzekoak, 4 irakasle eta 4 laguntzailerekin, Extefana Oihenart zuzendaria. Herritik badira ere 3 haur Hazparneko Ezkia ikastolan. Herriko pestak Hurbiltzen ari zaizkigu, urriko lehen asteburuan beharrak baitira beti bezala. Aurten ere izanen da denetarik: dantzaldi, kantaldi eta pilota bai eta janari eta edari. Ez ahantz ere Artetxea gelan herriko 12 gaztek emanen dutela euskarazko antzerkia, hain segur larunbat aratsaldez. Egitaraua xeheki aipatuko dugu ondoko egunetan. Anartean hor dugu Aiherrako kabalkada. Izturiztar anitzek huts eginen ez duguna eta agian aro ederrak lagunduko duena.