Kostaldean | 2019ko Irailaren 19a

Igande goxo bat Erlaitzbidean

Toki ederra da zinez, guziz gustagarria, Erlaitzbide hori, Hendaia eta Zokoa arte hortan. Aurten ere, departamendua sustatzaile, egun berezi bat ukanen dute hor gaindi asteburu huntan, igandean hain xuxen. Erlaitzbideko besta nolazpait, ofizialki ez baldin badute ere gehiago hola deitzen, "Igande bat Erlaitzbidean" emana baitiote izena. Dena den, jendea bere gusturat ibiltzen ahalko da autorik eta motorik ez baita bide hortan izaiten ahalko, salbu beharrez segurtasun- neurriengatik sarrarazten ahal litazkeenak. Ausagailu frango egun guzian eta airostasun gaitza, bakoitxak bere hartarik eskainiz gainerat eta horrek ere anitz munta du holako batean. Tailer berezi zonbait izanen dira han berean, elkarte asko partaide. Gai nagusiak: Erlaitzbide alde hortako landareak eta uhainek nola "jaten" duten itsas-bazterra. Bezperan, larunbatean beraz, aratsaldeko 5etan, bilkura bat Hendaiako Haizabia bilgunean, gaia izanki Erlaitzbide alde hortako laborantza.

Kostaldean | 2019/09/19

"Bizi Ona" merkatua Donibanen

Donibane Lohizunen; joan den larunbatean zuten "Bizi Ona" merkatua eta arrakasta pollita ukan du usaian bezala. Jateko eta edateko zernahi gauza on, gasna, xingar eta beste. Biperrari tokiño bat eginez, arnoari eta sagarnoari ere ba. Parada hauta ohartzeko gaztainak ere aise gehiago eta hobeki baliatzen ahal litazkeela mozkinbide bezala. Edergintza saileko puska pollit frango ere ba salgai, gainerat biziki giro alegera. Zer behar da gehiago, aroa ere alde izanez geroz!...

Irakurri segida

Kostaldean | 2019/09/19

Untsa besta pollita Ziburun

Ziburuko plazan bazen mugimendu joan den igandean, Baltsan-Eguna baitzuten, Baltsan elkartearen besta nolazpait. Mutxikoak eguerdi irian, taloak salgai herriko ikastola laguntzeagatik, zernahi kantari eta musikari aratsalde guzian. Biziki giro goxoa....

Irakurri segida

Kostaldean | 2019/09/19

Obra handiak Hendaian

Hendaian, gaitzeko obra sailari plantatuak dira, obra horiek aste huntan hasiz eta bada urte batena segurik. Arrunt beste bista bat eman beharra zaio geltokiaren aldeko auzoaldeari. Hori da "Elgarrekin" deitua duten saila. Auzoaldea ederrago ezarriz eta denbora berean jendearen harat-hunatak errextuz. Bainan obra horien denboran trabak ere izanen dira nahitez eta ez ditake bestela izan. Hala nola Urtats iria arte De Gaulle etorbidean ez den autorik ibiltzen ahalko, ez eta beraz aparkatzen ahalko ere. Azaroan "topo" delakoaren geltokia dena barreatuko dute eta berri bat eraikiko untsalaz heldu den ekainean estreinatuko dena. Arte hortan, geltokiko zerbitzua segurtatua izanen da hortarako idekiko den aterbe batean....

Irakurri segida

Kostaldean | 2019/09/19

Gaztetxearen besta Donibanen

Donibane Lohizunen, herriko Gaztetxeak larunbatean, irailak 21, ospatuko ditu bere 28 urteak. Besta airosa izanen da burutik buru, hamar bat musikari talde partaide, besteak beste Ezin Eta, Diabolo Kiwi, DJ Mundutegi eta holako batzuk....

Irakurri segida

Kostaldean | 2019/09/19

Ondarearen Egunak

Asteburu huntan dira Ondarearen Egunak eta bazter guzietan bada karia hortarat zernahi hitzordu. Hendaian gauza frango ikusgai eta besteak beste bisitaldi lagunduak Abbadia jauregian bai eta Beltzeneko aldean Pierre Loti idazle famatua bizi izan zen etxean. Hor, bi bisita berezi, iragan mende hasteko jauntzi asko agertuz, batto larunbatean, aratsaldeko 5ak eta erdietan, eta bestea igande goizean, 10ak eta erdietan. Urruñan ere izanen da zer ikus, bereziki Urtubiako gazteluan; barnez-barne segur bainan ere kanpoan, sei hektarako parkea baita, biziki ederra, eta hor ikusgai erakusketa bat sendagailu gisa balia ditazkeen landareetaz. Bisitak ere gaitzeko organoa daukan Jondoni Bixintxo elizan. Hitzordu parrasta bat Ziburun. Hala nola herriko itsasargiaren bisitak larunbatean. Egun hortan, berean, aratseko 6ak eta erdietan, komentu xaharraren inguru hortan, portuaren historia gogoan, ibilaldi airos bat, Irène segitzaile, dantza eta musika. Larunbatean...

Irakurri segida

3515. zbk

Oilategi batean oilar bat aski da.

Madeleine Ferron

Gure Hitza | 2019/09/19

Sarraski beltza

Peio Jorajuria

Duela urtea nonbaitan, hartz solas ari ginen hemendik beretik. Frantses estaduak Pirinioetara ekarrarazitako Claverina eta Sorita bi hartz esloveniarrak genituen hizpide. Bihotza erdibanatua genuela genion. Batetik, bioaniztasunaren izenean ez ginela samur hartzak berriz ikustea Pirinioak populatzen. Bertzetik, haatik, kezka zorrotza agertzen genuen, hartzek kabaletan egin zitzaketen makurrez. Zer pentsa genezake artzain bagine, geniola, gure ardi tropa hantxet nonbait goimendietako alhapideetan, haien bidetik iragaiten den hartzaren meneko? Irudi mingarria zabaldua izan zaiku aitzin hortan: ardi hilak lerrokatuak Baionako suprefeturaren aitzinean, eta ondoan artzainak kexu, berriz ere hartzak desmasia ikaragarriak eginik mendian. Aldi huntan Oztibarreko bi artzain gazteren tropak dira hunkiak izan, hunkiak baino gehiago, suntsituak. Cauterets gainekaldeko alhapidetara eramanak zituzten uda hontan beren bi ardi tropak, milako bat ardi orotara, Paxkal Harispuru...

Irakurri segida

PDFa jaitsi