Permanentzia Jada zonbait urte badu Herriko Etxeak eta CCAS edo herriko laguntza sozialen zentroak xutik emana dutela ''Ene Herria ene osagarria'' mutualitate dispositiboa. Herriko biztanle guzieri idekia den mutualitate horrentzat permanentzia bat atxikia izanen da irailaren 19an ostegun huntan aratsaldez Gaztelondoa Herriko Etxean. Izen emaitea beharrezko da hitzordua atxikia izaiteko. Gehiago argitasunentzat deitu ditaike telefono huntara: 05 59 93 38 91 Oiloak etxetan 2018an abiatua 15 etxerekin, Herriko Etxeak aurten ere berritzen du esperientzia hori. Ekitaldi hori sartzen da etxetako eta menaioko ondarkinen ttipitzearen egitarauan. Helburua da lehenik ingurumenaren zaintzea ondarkin gutiago izan dadin eta bigarrenik oraino zahartuak ez diren oiloer (hiltzerat kondenatuak direneri) bigarren bizi bat emaitea. Hartzaileeri bi oilo Herriko Etxeak eskaintzen ditu, juntatuz kontseilu liburuxka bat bai eta ere herriaren eta hartzaileen arteko konbenio bat. Aurten 25 etxeri proposatuak izanen dira. Erran gabe doa Uztaritzeko biztanleeri dela bakarrik idekia. Interesatua denak argitasun gehiago ukaiten ahal du eta izena eman behar du Herriko Etxean irailaren 30eko berantenaz bere telefono eta helbide guziekin. Hazkuntza on.