Martinika, Guadalupe eta Guiana frantses uhartetan bizi dira denborako esklaboen ondokoak. Bordele hiriko ekonomiak urte ederrik iragan izan du uharte horietarat esklabo beltzak eramaitean eta ez hutsik itzultzeko, gibelerakoan ekoizkin exotikoak ekartzean handik hexagonorat. Christiane Taubira guadalupearrak justiziako ministro egon delarik lege bat onartarazi zuen, esklabotasunaren trafikua "gizakiaren kontrako krima" izendatzea. Handik laster elkarte batzuk sortu dituzte esklaboen etorkiko familiek, karraskan ari dira zerrendak osatzen damu domaiak eskatzeko. Lege berri horretaz gain badute beste etsenplu bat Alemaniatik datorrena. Gobernu germaniarrak 1992 urtean hasirik, pagatuak ditu alabaina 89 miliar euro damu domaia, nazien biktima juduen familiei. Haatik Frantziako ala Europar Batasuneko estatuak ez dira lasterka hatsankatzen esklabogo beltzaren erreparakuntzetan sartzeko. Boterean direnek ez baitute gastu erraldoi zilo berririk ireki nahi, oposiziokoek baitakite beren aldia jinen delarik beharko dutela orain erakutsi interesa erreparakuntzetan egiaztatu.