Herriz Herri - Ortzaize (NB) | 2023ko Maiatzaren 18a
Ortzaizeko eskulan herrixkan ate ideki arrakastatsuak izan dira. Anitz jende ibili da hiru egunez eta bereziki igandearekin. Erakusketa ibiakoitzean, argi eta soinu ikusgarriak igandean eta Eñaut Elorrietaren kantaldia astelehenean, denak ikusliarrez bete dira. Herrixkako arduradunak oso pozik izan dira egun horiek ekarri duten jendetzarekin. Ondoko hitzordua bi urteren buruan izanen da.
3690. zbk
Gure Hitza | 2023/05/18
Menane Oxandabaratz
Langileak erretretaren erreforma ezin irentsiz ari direnean, jakiten da eurodeputatu ohi batzuk, kargu politikoa utziz geroz, 13.700 euro hilabetero hautetsi-erretreta hunkitzen dutela. Jakinez horrez gain beste irabaziak ere dituztela. 660 eurodeputatuen izenak agertzen dira, horietan 81 frantses eurodeputatu ohi.
Jauntto eta andere horien erretreta pagatzeko, Europako zergadunek beren moltsatik 118 milioi euro atera behar dituzte (frantses zergadunek 27,8 milioi euro).
Holako berri batek, kexu izaiteaz gain, diru-publikoaren erabilera zein nolakoa den galdera pausarazten du. Jakitea hautetsi ohi batzuk goxoan diru publikoak asetzen dituela, beste batzuk peko errekan direlarik. Azen ontzeko, orain aipatu frantses eurodeputatu ohi horietarik batzuk erretretaren erreforma berriaren defendatzaile sutsuak dira, berek estatuko pentsio ikaragarria hunkitzen dutela! Egin zan/zak nik errana, baina ez nik egiten...
Herria Euskal Astekaria - Landagoien - 875, Landagoieneko errepidea - 64480 UZTARITZE [Lapurdi] | tel: 05 59 25 62 85 | herria.astekaria@gmail.com
Legezko oharrak | Diseinua eta programazioa: iF Diseinuak - 2016
