Herriz Herri - Aiherra (NB) | 2017ko Martxoaren 23a
Sagarnotegi afaria eta dantzaldia apirilaren 1ean, Denen Etxean: izenak orain beretik
Aiherrako pesta komiteak azken urtetan antolatzen zituen kontzertu handien ordez, aurten sagarnotegi afari animatua antolatuko du, Aiherrako Denen Etxean.
Aiherrako pesta komiteak azken urtetan antolatzen zituen kontzertu handien ordez, aurten sagarnotegi afari animatua antolatuko du, Aiherrako Denen Etxean. Hau apirilaren 1ean iraganen da, arratseko 8:00etatik goiti, eta hona menua: arroltze moleta bakalauarekin, entrekosta lur sagarrekin, Ossau-Irati ardi gasna, matahamia bere banilla izozkiarekin, kafea eta ondokoa. Arno beltza eta Kupela sagarnoa ausarkian, orotara 25 €rentzat. Afari denboran kanta tzen ahalko da Barrenne anaiak musikarien laguntzarekin, eta ondotik pesta komiteko gazteek gomitatzen gaituzte gure ipurdien mugitzera Les Z'Anonymes taldearekin. Animaleko giroa segurtatzen daukute. Lagunak motibatu eta etorri apirilaren 1ean Aiherrara. Haatik aitzinetik lekua segurtatu behar da, telefonoz: 06 70 26 22 63. Ongi etorri deneri!
