Joan dira eta untsa. 21. edizio hunek ere sekulako arrakasta bildu du, 50 jendez goiti bildu baita lau mintzaldietarik bakotxean. Manex Pagolak bere kantagintza erakutsi dauku.

Joan dira eta untsa. 21. edizio hunek ere sekulako arrakasta bildu du, 50 jendez goiti bildu baita lau mintzaldietarik bakotxean. Manex Pagolak bere kantagintza erakutsi dauku. Ehunka kantaldi eta kantu eginik, gizona errextasun haundiarekilan mintzatu zauku eta bere ideiak deplauki erran. Anuntxi Aranak euskal mitologiaren jasta ederra eman dauku, eta oinarri horrekin, bere ustean egin daitezken eta ez daitezkenak aipatu. Unai Pascualek trantsizio ekologikoak suposatzen duen ikuspegi aldaketa biziki ederki esplikatu dauku, gai konplexua izanagatik. Azkenik, kurdu populuaren destinoaz Samara Veltek xeheki argitu gaitu, azken minutan bere solasaldiaren osatzeko kurdu lagun bat agertu zaukularik, zuzeneko ikusmoldea ekarriz. Sekula ez eta, gaualdi hau elebitan egin izan dugu, euskaraz eta inglesez alabaina, itzulpen automatikoa egiten ginuela batzu besteen ahalak baliatuz. ZABALIK elkarte antolatzaileak hizlari guziak eskertu nahi ditu berriz, Euskal Kultur Erakundea diru laguntzarendako eta Herri Elkargo ohia gela prestaturik. Deia ohartuak ginen xerbitxuguneko gela aise ttipiegia dela ekitaldi hunek biltzen duen jendetza plantan ohatzeko. Auzitegi karrikako gela hori, aldiz, zinez aproposa da, hein onekoa eta errextasun tekniko guziak bere baitan dituena. Hain segur, beste urtean ere beste Otsail ostegun batzu antolatzen badituzte, gela hortan berriz elgar ikusi beharko ginuke.