Herriz Herri - Heleta (NB) | 2017ko Maiatzaren 11a
Sortze
Herritarra
Lartidioinean, Philippe eta Valérie-ren familian sortu da bigarren haurra, mutikoatik landa nexkatoa. Goresmenak aitameri eta bizi luze eta zoriontsua Julen ttipiari.
Herriz Herri - Heleta (NB) | 2017/05/11
Mus
Herritarra
Maiatzaren 1ean Agerrebehereko ostatuko mus lehiaketak 132 pare bildu ditu.
Herriz Herri - Heleta (NB) | 2017/05/11
Mezak
Herritarra
Ibiakoitzean 19:00 Armendaritzen, igandean 9:00 Mehainen, 10:30 Heletan (Lehen Komunionea). Maiatzaren 19an, asteartez, 19:00 meza Heleta Bixintxon....
3400. zbk
Nor garen ageri da ikusiz zer egiten dugun eta ez baitezpada zer erraiten.
Albert Camus
Gure Hitza | 2017/05/11
Xantre baten parekoa
Jean-Louis Harignordoquy
Oraino duela mende erdi bat zonbait herritan baziren xantreak. Bankakoa doi doia ezagutzeko denbora ukan nuen. Peio Erramuzpe-Manexene bertsolariaren anaia zen. Eliza gibeleko galeriatik kantatzen zuen.
Oraino duela mende erdi bat zonbait herritan baziren xantreak. Bankakoa doi doia ezagutzeko denbora ukan nuen. Peio Erramuzpe-Manexene bertsolariaren anaia zen. Eliza gibeleko galeriatik kantatzen zuen. Orain bezala, orduan ere Banka herri kantaria zitaikeen, baina haren ahots ederra eta puxanta franko aise gailentzen omen zen, bereziki gazte zelarik. Iragan mende hastapenean, Baigorriko xantrea ere famatua zen: Bettiri Dibarrart bertsolaria. Moldatzen zituen bertsu ederrak baino gehiago haren ahotsa gustatzen omen zitzaion orduko apezari.
Herritarrak eta urrunagoko kantuzaleak harriturik utziz, supituki eta goizegi joan zigun Panpi Portugalek ere gazte gazterik erakutsia zuen kanturako zaukan dohaina. Hain zuen ahots ozena eta orratza bezain xuxena, haren ahots-soinua berriz entzuleak atsegin. Artetik erraiteko, xuxen kantatzeak eskatzen du beharri xuxena ukaitea; ez baita denei emana. 38 urtez herriko erretore egon zen Aldudar Léon Erramuzpe apezak bestaburu frankoren...
