Maiatzaren 7an, erabakitzeko eskubideari buruzko herri galdeketak egin dituzte Gipuzkoa, Bizkaia eta Arabako 52 herritan eta auzo batean, Gure Esku Dago plataformak antolaturik.

2012ko apirilaren 5ean, Ertzaintzaren gomazko pilotakada batek zauritu zuen Iñigo Cabacas Athleticeko zalea, eta lau egunen buruan zendu zen.

Eusko Jaurlaritzak aurtengo antxoaren eta berdelaren kanpainetako datuak eman ditu, usaian bezala, Getariako (Gipuzkoa) Antxoa Egunaren karietara.

Tomas Caballero UPNko zinegotzia hil zuen ETAk, duela 19 urte.

Xabi Haranburu ondarroar presoa Mont-de-Marsango presondegitik atera da, apirilaren 17an bururatu baitu bere zigorra.

Maiatzaren 8an hasi dira Gipuzkoako Ingurumen Gunea deituko denaren eraikitzeko lanak, Zubietan.

Lanik gabe dauden jendeen kopurua apaldu da apirilean, martxoko datuekin alderatuz. Hegoaldeko herrialde guzietan ttipitu da langabezia, baina bereziki Nafarroan eta Gipuzkoan.

Espainiako Auzitegi Nazionalak 44na urteko presondegi zigorra ezarri die Beñat Aginagalde Ugartemendiari eta Joanes Larretxea Mendiolari, 2008an Inaxio Uria azpeitiar enpresaburua hiltzea leporatzen baitzaie.

Ignacio Zalakain Lezoko (Gipuzkoa) arrantzaleak harrapatu du denboraldi honetako lehen izokina Bidasoa ibaian, Endarlatsa parean.

Negoziaketa luze baten ondotik, Kupoari buruzko hitzarmena adostu dute Eusko Jaurlaritzak eta Espainiako Gobernuak.

Ahal Dugu-ko Berme Batzordeak alderditik kanporatu ditu Arabako lau batzarkide kritikoak.