Herriz Herri - Bidaxune (NB) | 2017ko Urriaren 26a
Lataillade familiari elkartasuna
Joan den astean, ELBko laborariek eta kontsumitzaile multzo batek elkartasuna adierazi diote Bidaxuneko Lataillade familiari, hunek administrazioarenganik jasaiten duen ezin onartuzko jazarpena salatzeko.
Joan den astean, ELBko laborariek eta kontsumitzaile multzo batek elkartasuna adierazi diote Bidaxuneko Lataillade familiari, hunek administrazioarenganik jasaiten duen ezin onartuzko jazarpena salatzeko. Alabainan, Lataillade ahate hazkuntzako hiru lagun, aitamak eta semea, deituak ziren Bastidako jendarmeriara eta hor lau oren luzez galdezkatuak izan dira, erreprotxatua zaiela legea urratzea hegazti gripak bazterrak jotzen zituenean. Salatzaileek goraki adierazi dute "jazarpen moralak eta itotze ekonomikoak gelditu" behar direla, kontrol guziek frogaturik ez dela eritasunik batere izan etxalde hortan. "Administrazioak eta justiziak ez ote dute besterik egitekorik?" diotela ere.
