Herriz Herri - Uztaritze (L) | 2017ko Urriaren 26a

Lasterkaldi berezia

Joelette%20karroak%20abia%20puntuan — Joelette karroak abia puntuan

Juan den ortzegunean, kirolean lasterkaldi oso berezia antolatu dute elgarrekin San Josep lizeoko eta Heraitzeko elbarrituen zentroko erakasleek.

Juan den ortzegunean, kirolean lasterkaldi oso berezia antolatu dute elgarrekin San Josep lizeoko eta Heraitzeko elbarrituen zentroko erakasleek. Aro ederra gertatu zaie horrentzat eta jakin dute segur giro paregabe bat sortzen. Elbarritu horietarik hiru ''Joelette'' deitu karro berezietan ziren, bakotxa lagundua zela lizeoko 4 edo 5 gazterekin. Beste batzuk bi lagun zituzten beren biribil karroaren pusatzeko. Abiatzea egin dute Milafrangako zubitik zirga bidea hartuz osoki eta oren erdi baten buruko lasterkariak sartzen ziren denak san Josep lizeoan, tokiko erakasle eta zuzendari beha zaudela. Ondotik arratsaldeko krakada bat errezebitu dute denek ongi merezitua zutela. Ez zen hor nihor ordulari emaitza baten ondotik ibilki bainan bi ikastetxe oso desberdinek erakutsi dute zer egin daiteken egiazko anaitasunean. Goresmenak deneri.

Herriz Herri - Uztaritze (L) | 2017/10/26

Mintzaldi diaporama

''Etxehasia Martienekoborda'' elkarteak mintzaldi-diaporama bat antolatzen du azaroaren 4an Haitzekoborda gelan (Etxehasia auzoan) 19:00etan.

Irakurri segida

Herriz Herri - Uztaritze (L) | 2017/10/26

Uztaritze-Tolosa senidetzatik

Uztaritze-Tolosa senidetzak autobus bat antolatzen du azaroaren 4an Tolosara joaiteko nazioarteko abesbatzen lehiaketara.

Irakurri segida

3422. zbk

Ez gaizkirik erran zuhaurren buruaz lan hori utzi zure adiskideri.

Talleyrand

Gure Hitza | 2017/10/26

Biper Besta

Janbattitt Dirassar

Jateko franko hein bat hilak izaten ahal dira ez bazaie gatz birbirika bat ematen. Ez sobera haatik, jatekoak berenaz duen gustu onaren lagun eta ez gustu horren kaltetan.

Jateko franko hein bat hilak izaten ahal dira ez bazaie gatz birbirika bat ematen. Ez sobera haatik, jatekoak berenaz duen gustu onaren lagun eta ez gustu horren kaltetan. Gisa berean, biperrak ere, nun ez den sobera bizia, jateko ona aitzina ontzen du. Eta guk hor dugu preseski Ezpeletako biperra, gero eta fama handiagoa baduena, biziki hein onekoa, ez sobera bizia eta ez ere sobera eztia, ainitz gauzarekin xarmanki akomeatzen dena... Badu orai mende erdiño bat gaitzeko urratsak egiten direla biper balios horren alde, denetan hobeki ezagutarazteko, sor-marka baten babespena erdietsirik. Lan ederra akuilatzen dute ekoizleek berek, kalitate hoberenaren arrangura sano batekin. Lan ederra darama ere Biperraren kofradiak, hala nola urte guziez urri hondarrean muntatuz Biper Besta. Aurtengoa beraz asteburu honetan. Lehenbizikoa 1967-an egin zen eta geroztik gero eta arrakasta gehiago badauka besta arraro horrek. Jendea burrustan etortzen da eskualde guzietarik. Eta bi egunez segidan,...

Irakurri segida

PDFa jaitsi