Herriz Herri - Donapaleu (NB) | 2019ko Urtarrilaren 17a

Amikuze

Amikuze

"Solidarité Migrants – Elkartasuna Amikuzen" taldearen biltzar nagusia

Elkarte hunek bere urteko biltzar nagusia ibiakoitzean, urtarrilaren 12an, egin du Donapaleun. Duela urte bat eta erdi sortu da, Amikuzerat jiten diren etorkineri laguntza baten ekartzeko. Talde horrek 80 bat kide biltzen ditu eta 35ek parte hartu dute biltzar nagusi hortan. Urteko bilana presentatua izan da. Elkarteak lau etorkineri ekarri du bere laguntza eta errana izan da biziki harreman onak ukan dituela lekuko elkarte eta Herriko Etxe zonbaitekin. Azpimarratua izan da Donapaleuko Herriko Etxeak ekarri laguntza apartamendu bat elkartearen esku utziz, Mazedoniatik jin familia baten aloitzeko. Enpresa batzuk ere aipatuak izan dira eta eskertuak beren laguntza ekarririk lana emanez etorkin batzuri. Eskertuak izan dira ere egun guziz beren laguntza ekartzen duten kideri hauen engaiamendua gabe ez baitira gauzak aitzinatzen. 2019ko urteari begira, "Elkartasuna Amikuzen" taldeak pentsatzen du etorkinen arazoak ez direla ttipituz joanen eta horri begira bere aurrekondua aurkeztu du. Amikuzeko Herriko Etxeak, lekuko taldeak eta orokorki nahiant guziak galdatuak izanen dira, duintasuneko laguntza ekartzeko etorkineri. Bukatzeko, bulegoa berritua izan da: Frantxoa Fleury (lehendakari), JM Arotzarene eta AM Bourdet (Diruzain), T. Aycaguer eta Joelle B (idazkari).

Aiziritzen asteburu aberats baten mentura

Asteburu huntan izanen da mugimendu Aiziritzen! Lehenik ibiakoitzean, urtarrilaren 19an, (19:00) dantza ikusgarri bat eskainia zauku Burgaintzik antolaturik. Hor ariko dira Zarena Zarelako 15 neska gazte. Arrakasta handia duen "Hariz Hari" ikusgarria emanen daukute. Biharamunean, igandean (15:30) bertsularien entzuteko aukera emana zauku. Gai emailea Pettan Prebende izanen da eta bost bertsulari ariko dira: Elixabet Etxandi, Jean Louis Laka, Ricardo Gonzalez Durana, Ramuntxo Christy eta Battitt Crouspeyre. Ondotik Amikuze Kantuz-ek gomitatzen gaitu haiekin kantuz artzera. Astehondar goxo baten pasatzeko parada badugu!

Eleberri lehiaketa Amikuzeko mediatekak antolaturik.

2010az geroztik, Amikuzeko mediatekak eleberri labur lehiaketa bat antolatzen du gai baten iguruan. Huna aurtengo gaia: "2010eko irailaren 25ean mediatekan hartu duzun dokumentua ez duzu oraino ordaindua. Sei hilabete badituzu zazpi orrialdetan zure argitasun sinesgarrienak ekartzeko". Lehiaketa hau uztailaren 1ean bukatuko da. Ea heldu den urtean, euskaraz egiteko aukera ukanen dugun?

Besteak beste…

Ez ahantz "Üda batez" dantza ikusgarria, urtarrilaren 25 eta 26an Donapaleuko Saint Louis gelan. Ttxartelak aitzinetik erosten ahal dira turismo bulegoan.

Email Buffer Facebook Google Twitter Pinterest LinkedIn Digg StumbleUpon Tumblr

3482. zbk

Dantzan ari direnak zozo batzuentzat hartzen dituzte musika entzuten ez dutenek

(Nietzsche)

Gure Hitza | 2019/01/17

Urte berriko xedeak

Menane Oxandabaratz

Zenbaitzuk urte bukaeran edo hasieran, egia erran bakoitzak bere metodoa, zerrenda bat osatzen dute edo buruan atxikitzen urtean zehar eginbehar batzuk edo beren izaeran aldaketa pertsonalak kanbiatzeko. Ez ditut xeheki aipatuko xede horiek zein diren, ehun aldiz entzun ditugunak baitira: erretzea gelditu edo kirola hasi... eta nik dakita zer, ororen buru ez direnak sekulan bururaino eramanak! Gero bizian beste xede edo helburu batzuk baditugu azkarragoak, ez direnak zuzenean aitzin aipatu gai horieri lotuak baina gehiago biziaren filosofia edo jendarteko ikusmolde politiko bati. Gauza hori ez da urte bateko xedea baina bizi proiektu batena, gure eguneroko izaeran eginahala zuzena izaitea sinesten dugunean edo artetan aldarrikatzen ditugun punduetan.

Badira ere urtean zehar garai batzuk kexu eta injustizia sentimendu bat sortzen dutenak. Hala nola berrikitan entzun dudalarik Carlos Ghosn, Renault-Nissan-eko zuzendari handia Japonian arrastatua izan dena, 15 milioi euro urte...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016