Kostaldean | 2019ko Urtarrilaren 17a

Kostaldean

Arrunt estatu txarrean den etxea
Arrunt%20estatu%20txarrean%20den%20etxea

Etxe bat lehertzeko irriskuan

Donibane Lohizunen, Herriko Etxeak hartu ditu neurri berezi batzu, frango xorrotxak, Jondoni Jakube karrikan, karrika horren zati labur bat zerratzeraino, auzoak oharturik, eta herriko zerbitzuak ere ba, etxe xahar bat lehertzeko heinean dela, gaitzeko arraildurak agertuak murru paretetan. Etxe hori aspaldian hutsa da (hogoi bat urte huntan segurik). Jabea, motaz donibandarra, Frantzia behere hortan bizi da. Segurtatu omen du behar diren obrak akulatuko dituela ahal bezen epe laburrean...

Aldaketa asko Ziburun

Ziburun, Herriko Etxeak muntatu agiantza-bilkura iragan da Bordagaindorrean. Herriko bozak hurbilduak dira bainan Guy Poulou auzapezak segurtatu du obra asko eginen dela oraino arte huntan. Besteak beste tenisgune xaharrean eraikiz lau edo bost ehun lagun kokatzen ahalko diren bilgune bat. Azpimarratu du ere indar berezi bat akulatu Odolki egileen xapelketak badu beti gaitzeko arrakasta! behar dela sozial-maileko bizitegi gehiago izan dadien herrian gaindi, Gurutze-Saindu auzoaldetik Zokoaraino. Horiek hola, helduden urtean beste aldaketa bat ere izanen da, auzapeza, 18 urte huntan kargutan dena, ez baita berriz hautagai izanen. Nor ote zerrendaburu Aupa Zibururentzat? Beren artean hautatzekoa dute otsail haste hortan eta hiru izen badira agertuak, Isabelle Dubarbier-Gorostidi, Jean-Jacques Gouaillardet eta Henri Hirigoyemberri, hiruak kontseiluan barne izanki eta bi lehenak axudant karguarekin.

Bidarten, obrak pilota plazan

Bidarten, pilota plaza bat untsa ederra bada herriaren bihotz-bihotzean, errebide handitik hurbil. Duela 60 urte muntatua izana. Herritarrak biziki atxikiak daude plaza horri, pilota partida frango hor egiten da bainan ere ikusgarri eta besta asko. Duela bi urte, ondoan den biltokia berritua izana da Kostakoak elkarteari esker. Orai, plazan berean beste obra batzu egitekoak dira herriaren kondu. Jartokiak behar dira barreatu eta berriak egin. Murru handia ere behar da azkartu. Tindu lanak ere badira hasian hasi egitekoak. Segurtasun neurriak ere gaurkotzekoak dira. Obra horiek hilabete huntan berean hasiz maiatzeko behar litazke bururatuak, gisa guziz uda sasoina aitzin... Bada 750.000 euroren gastua, Akitania-Berriaren diru laguntza batekin.

Bi erakusketa

Donibane Lohizunen, badira besteak beste bi erakusketa aipagarri keinka huntan. Alde batetik, Ttitto Aguerre xixelkariaren obra batzu Ilargi Urdina erakustegian, Thiers etorbidean, otsailaren 15-a arte, eta bestetik Pergola aldeko La Rotonde delakoan Dominique Picardat ziburutarraren margoak, otsailaren 10-a arte. Izadia gogoan eta omenduz Jean Bost donibandar erakasle zena, ingurumenaz arrangura handihandia bazuena.

Ehun urte!

Donibane Lohizunen, Urdazuri aldean bizi den emazte batek bete ditu bere ehun urteak. Deitzen da Dolores Torres Garate. Andaluzian sortua, gazte-gaztea etorria bere aitamekin Euskal-Herrirat, Espainiako gerlaren urte latz heietan. Luzaz jostun lanetan arizana. Alarguntsa, haurrik ez bainan ilobak ba artoski kasu egiten diotenak. Bera arras pixkor da oraino. Herriaren partez, Elisabeth Garramendia axudantak eskaini daizkio lore eder batzu bai eta xokoletak.

17.000 biztanle Hendaian

Hendaian ere giro onean iragan da Herriko Etxearen agiantza-bilkura. Kotte Ecenarro auzapezak azpimarratu du jendetza jaz ere emendatu dela, herriak badituela orai 17.000 biztanle. Eta halere prezeturtegia nahi dute zerratu, erabaki bat ezin onetsia dena! Auzapezak aipatu ditu hirian gaindi egitekoak diren obra asko, Hala nola aldaketa batzu eginen diren laster Herriko Etxearen aitzineko plazan bainan plazaren osoki arramoldatzea geroxago denen buru, ez baitira denak betan egiten ahal. Dei bat luzatu dio ere gobernuari, herrien ahalbideak emenda diten, hori dela garapen sano baten giltza.

Email Buffer Facebook Google Twitter Pinterest LinkedIn Digg StumbleUpon Tumblr

Kostaldean | 2019/01/16

Bixintxo-bestak nolakoak? Guziz Herrikoiak

"Laida pilota" ikusgarri xoragarria!
Laida%20pilota%20ikusgarri%20xoragarria!

Hendaian eta Ziburun, horra beraz bi asteburuz segidan, herriko bestak, beren patroin saindua, Jondoni Bixintxo, kartsuki omenduz. Bi herrietan egitarau nasaia eta guziz herrikoia zinez! Lehen asteburu huntakoaz ari gira gehienik egun, bestaldian ere segidaz ukanen dugu zerbait erraiteko. Hendaian, ortzirale aratsalde apalean, Pelot itasturi famatua eta Neskatxa haren bizilaguna Kanetako portutik etortzekoak dira, herriko haurrek eginen diote lehen ongi etorria eta denak bilduko dira Herriko Etxe aitzinean besten airoski idekitzeko.

Laida pilota: usaiako ausagailuez bestalde, lehen egun horren berezitasuna ez da entraalekoa izanen! Aratsean alabainan, Daniel-Ugarte plazan preziatzen ahalko da ikusgarri arraro bat, Pier-Paul Berzaitz xuberotar artixta famatuak moldatua bere lagunekin, hori da "Laida Pilota" jadanik ikusia duten guziak xoratu dituena. Pilotaren ohoretan segur bainan ere kantu eta dantza miresgarri batzuekin! Igandean, meza nagusia bixtan da eta usaiako hitzor...

Irakurri segida

3482. zbk

Dantzan ari direnak zozo batzuentzat hartzen dituzte musika entzuten ez dutenek

(Nietzsche)

Gure Hitza | 2019/01/17

Urte berriko xedeak

Menane Oxandabaratz

Zenbaitzuk urte bukaeran edo hasieran, egia erran bakoitzak bere metodoa, zerrenda bat osatzen dute edo buruan atxikitzen urtean zehar eginbehar batzuk edo beren izaeran aldaketa pertsonalak kanbiatzeko. Ez ditut xeheki aipatuko xede horiek zein diren, ehun aldiz entzun ditugunak baitira: erretzea gelditu edo kirola hasi... eta nik dakita zer, ororen buru ez direnak sekulan bururaino eramanak! Gero bizian beste xede edo helburu batzuk baditugu azkarragoak, ez direnak zuzenean aitzin aipatu gai horieri lotuak baina gehiago biziaren filosofia edo jendarteko ikusmolde politiko bati. Gauza hori ez da urte bateko xedea baina bizi proiektu batena, gure eguneroko izaeran eginahala zuzena izaitea sinesten dugunean edo artetan aldarrikatzen ditugun punduetan.

Badira ere urtean zehar garai batzuk kexu eta injustizia sentimendu bat sortzen dutenak. Hala nola berrikitan entzun dudalarik Carlos Ghosn, Renault-Nissan-eko zuzendari handia Japonian arrastatua izan dena, 15 milioi euro urte...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016