Kabalkada-Toberak

Toberetako%20gure%20jandarma%20bereziak! — Toberetako gure jandarma bereziak!

Igandean dugu egun handia, kabalkada-toberen lehen emanaldiarena (ikus 1. orrialdeko artikulu nagusia).

Igandean dugu egun handia, kabalkada-toberen lehen emanaldiarena (ikus 1. orrialdeko artikulu nagusia). Agian aro ona ateratuko zauku! Joan den igande goizean egin da azken errepikaldi orokorra eta, ikusiko duzuen bezala, batzuk eta bertzeak ari dira biziki ongi, izan dantzari, antzerkilari, zirtzil ala musikari. Makilari gazteak eta zaldunak ere hor ukanen ditugu. Tenorez hasiko da ikusgarria, 15:30etan. Etor beraz aski goiz. Txartelak aitzinetik salgai atzemanen dituzue herrian berean (Vival, Barberanea, Noblianea), herriz kanpoko salpuntu batzutan ere eta, bistan da, igandean berean ikusgarria aitzin (12€). Bi oren eterdi nunbaitan iraunen du. Ikusgarri koloretsu eta irringarria. Goza dezagula denek!

3417. zbk

Gehigarria: Etxauzia zabal eta bizi

Gure Hitza | 2017/09/21

Ama lurra ez hunki!

Peio Jorajuria

"Baduk onddo!" dit erran lagun batek. Ikusiz haren begitarte irribarretsua, uzta polita aurkitua zukeen. Ez dit haatik salatu nun.

"Baduk onddo!" dit erran lagun batek. Ikusiz haren begitarte irribarretsua, uzta polita aurkitua zukeen. Ez dit haatik salatu nun. Ondotik nik ere bisitañoa eginik oihanari, han-hemenka zenbaitzuk aurkitu ditut, xisa, iratze-onddo, urki-onddo, kasko beltz, ez metaka baina kontentatzeko doi hura, zartagina barneko zirtakoen artetik altxatzen zen usain hura gozagarria zitzaidala. Onddoez gain, altxor nasaia digu ere eskaintzen oihanak: zer ezkurreria eta gaztaineria lurrera eroria! Goixtiar eta emankor gure oihanak aurten! Oihanetako urre paregabea!

Badira haatik bertze gisako urrearen ondotik dabiltzanak. Urte pare bat honetan lurpeko urrea ustiatu nahian dabil Sudmine enpresa, estatuarengandik baimenaren zain dagola. Ezpeleta eta Kanbo inguruko 11 herri ditu begipean. Eta bada beldurra baimen hori aski laster erdiets lezakeela gobernuarengandik. Hori du adierazia Sylviane Alaux diputatu ohiak, ekonomia ministeritzako zerbitzuetatik jakin duenaz. Badakigu, alta, masakre...

Irakurri segida

PDFa jaitsi