Abendoaren 23an segitu dugu lurreko azken egoitzarateko urratsetan Aguxtin Etxegoinberry, Urrutia etxaldeko etxeko seme xaharra, 90 urtetan itzali dena.

Abendoaren 23an segitu dugu lurreko azken egoitzarateko urratsetan Aguxtin Etxegoinberry, Urrutia etxaldeko etxeko seme xaharra, 90 urtetan itzali dena. Bera ez zen segidatu, bainan etxean segidatua zen anaiarentzat izana da laguntza guziz baliosa, bere sortetxearentzat eta familiarentzat zuen atxikimendu guziarekin lan eginez denen onetan. Bestalde, garai hartan arraro ez ziren fede haundiko burasoenganik ardietsia zuen sinestea gidari eraman du araberako bizitza, bi arreba serora bazituela sustengu. Gizon xume bezain errespetagarria izana beti, gauzak beren negurrietan atxikitzen bazakien. Gero, berak hautaturik, azken bospasei urteak xahar etxe batean pasaturik, hor bururatu du lur huntako bidaia. Ereman duen bizitzaren araberako elizkizun bildutasunez eta kartsutasunez aberatsen ondotik, gizon xumeen bakea goza dezala orai Aguxtinek, eta familia guziari helarazten ditugu gure atxikimendu eta adiskidantzazko sentimendu kartsuenak.