Herriz Herri - Donapaleu (NB) | 2018ko Otsailaren 01a
Santibate eta Libertimendu
Aurten ere gazte andana biltzen ari da Libertimenduaren prestatzeko.
Aurten ere gazte andana biltzen ari da Libertimenduaren prestatzeko. Dantzariak antrexantetan hasiak dira ibiakoitz goizero, musikariak jadanik trebatuak dira eta zirtzilak ere oihanpe horietan biltzen omen dira berenaren pentsatzeko. Bertsulariak? Ba, bertsulariek azken mementoan ere pentsatuko dute erran behar dutena... Lehen topatze bat eginen dute otsailaren 3an, Santibate ospatzeko. Triki, kantu, kobla eta dantzaz harrotuko dituzte Donapaleuko ostatuak, eske errituala zaharrÀ‚'etxetik abiatuz, eta aurten zangoÀ‚'-baloikoek prestatzen diete azken helmuga. Baina hitzordu handia, komunitate guziari idekia dena, Libertimendua izanen da, otsailaren 25ean, goizeko 9ak30etarik haste. Gogoan harrazue bazkarira gomit zireztela, eta hortarako zuen izena eman behar duzuela aitzinetik. Aurten ikastolak menu hau prestatzen dauku 15 eurotan: barazki salda, xerri kuttinkia ilarrekin, gasna, bixkotxa, kafea eta ondokoa.
