Lema honekin du Bil ta Garbi sindikatuak bere kanpaina eramaiten. Hondakinen bilketa nola antolatua den jakiteko joan gira Bil ta Garbiren egoitzara, Martine Bisauta presidenteak errezebitu gaitu eta xehetasun batzuk eman.

Lema honekin du Bil ta Garbi sindikatuak bere kanpaina eramaiten. Hondakinen bilketa nola antolatua den jakiteko joan gira Bil ta Garbiren egoitzara, Martine Bisauta presidenteak errezebitu gaitu eta xehetasun batzuk eman.

Lurralde erreformak ekarri aldaketak

2016ko urte hondar arte, Bil ta Garbi sindikatuak 12 egitura biltzen zituen, herrien arteko elkargoak eta hirigune bat. 2017ko urtarrilean sortu zen Euskal Elkargo bakar bat, horren ondorioz hondakinen sindikatuak bi kidetza ditu: Euskal Elkargoa, Iparraldeko 158 herriez osatua eta Béarn des Gaves 53 herri direla, Nabarrenkoxe eskualdean kokatua.

Hondakinen bilketa

Martine Bisautak 2017ko zenbakiak eman ditu, orotara 221 herrietan da egiten hondakinen bilketa, 320.637 bizitzaileentzat. Bereizketaren egiteko moldea bateratua izan bada, ez dela berdin egiten hirigunean eta barnekaldean azaltzen zuen sindikatuko presidenteak. Bil ta Garbiren helburua da etxeko hondakinak ttipitzea, parioa egiten dute 2020ean %10ez ttipitzea eta bereizketako kopurua herritar bakoitzarentzat urteko 100 kilotara heltzea. Azaltzen zuen joano ta gehiago jendeek ongi bereizten dutela, gauza hori orain denen buruetan dela. Behar diren edukiuntziak jarriak direla, hutsgune batzuk baldin badira ere. Bi eremuetan esperientzia bat abiatu dute, Xiberun eta Garazi-Baigorriko eremutan pizuaren arabera dute pagatu beharko hondakin biltzea, Xiberoan %40az hobetu da bereizketa.

Formazio zuzena

Bil ta Garbi egiturak 17 langile hartu ditu, deitzen dituenak "bereizketaren enbaxadoreak". Hauen ardura da atez-ate ibiltzea zuzenean jendea informatzeko eta diren galdereri erantzuteko. Horrez gain ikus-mahaiak atxikiten dituzte gertakari batzuk badirelarik. Eskoletan ere ibiltzen dira sentsibilizatze lan baten egiteko, 2300 lehen mailako haur ibili dira ikusten nola tratatuak diren hondakinak. Lantegiak ere ez dituzte ahanzten, 878 langile formatu baitituzte. Azkenik, gertakari handietan ere Bil ta Garbik lan bat egiten du, ezagutuenena basoena da, orain kasik denetan erabiltzen baitira "baso berriak" deitzen direnak.

Hondakindegien beharra

"Hondakindegien hondakinak" hola deitzen dituzte zuzenean bilduak ez diren zikinak (burdina, zura, puska handiak..), 2017ko urtean 74.673 tona dira bilduak izan, egiten baitu 233 kilo pertsona bakoitz. Bil ta Garbiren bilketa eremuan, 30 hondakindegi badira, gune horietara ekarriak dira deitzen dituzten "arriskutsu hondakinak" (pilak, oligo desberdinak...) orotara 543 tona dira bilduak. Horrez gain lan bat eramaiten dute obralekuetan diren hondakinak berziklatzeko, eginahala bide guti eginez, helburua dute bastimenduko obra-hondakinen %70 berriz erabiltzea. "Ahal bezain bat hondakin eman zikinuntzi onean!", Bil ta Garbik erabiltzen duen mezu argi honek erakusten du sindikatuak eramaiten duen lana zer den.