Irailak Miarritzen, euskararekin errimatzen du, bakantzetan pixka bat ahantzitako hizkuntza azkarki berraktibatzen dugu! Denei zuzendutako programaz aparte, beste aktibitate anitz proposatuak izan dira eskolei. Horien artean, aukera ukan dugu lehenaldikoz Yoga praktikatzea, Txotxongiloen munduan murgiltzea baita soinu istorio bat sortzea. Azkenik, "Marion lakutik Mouriscot lakura" egunean parte hartu dugu beste ikastetxeko haurrekin batera. Helburu nagusia Miarritzeri buruzko emankizun bat filmatzea zen Kanalduderekin. Goizean, zortzi tailer ezberdin genituen, eta eguerdian piknikaren ondotik, gure interbentzio digitala prestatzeko momentu bat ukan genuen. Grabazioa urduritasunez eta tentsioz beteta zen! Mintzalasai 7.edizioari agur esan diogu eta hurrengoa ia itxoiten dugu!

Joan den urriaren 13 eta 14an, AmanKomunak saretik Larrun mendiko gailurrera etortzeko deia zabaldu zuten, Departamenduko Kontseiluak han egin nahi duen proiektu turistikoa salatzeko. Ehun bat pertsona inguruk parte hartu dute larunbat arratsaldeko ekitaldian, kanpatzeko 60 bat lagun gelditu dira larunbateko gaua han pasatzeko, mendi kaskoan hurbil den borda zahar baten ondoan. Aroa ez ona izanez, Saran bildu dira igandearekin, bilkura orokor bat egin dute. Aipatu dute besteak beste, Aman- Komuna kolektiboaren etorkizuna bai eta Biarritzen heldu den urtean, agorril hondarrean iraganen den G7 gailurra. Mundu guziko agintari politikoak Euskal Herrian bilduko baitira zenbait egunez. AmanKomunak sareak erabaki du gertakari horren kontra jartzen ari den plataforman parte hartzea. Anartean, Errekaleor, Ziordia, Belartza eta Larrunen bildu ondotik, heldu diren hiru hilabeteetako auzolan eta asanblada asteburua finkatu dute: 2019ko otsailaren 23 eta 24an izanen da Irunen, errefuxiatu eta...

Joan den astean erran dugu apezen pedofiliaren eskandalua nolaz heldu den orain. Bainan bada aipatu ez dugun gauza bat. Berriki arte nehork guti zekien pedofiliak zer makurrak egiten dizkien haurreri. Pedofiliaren larritasunaz ohartu gira duela 20 bat urte, lau haur hil utzi zituen Belgikako Dutroux aferarekin. Bainan batere ez naiz segur larritasun hori denek senditzen duten oraino ere. Duela hilabete bat Nicolas Huloten ordezkariaren bila zabiltzalarik, izen bat zen denen aho mihitan, kaseta irrati telebista guzietan: Cohn Bendit. Hona zer idatzia zuen bere gazte denboran: "Il m'était arrivé plusieurs fois que certains gosses ouvrent ma braguette et commencent à me chatouiller. Je réagissais de manière différente selon les circonstances, mais leur désir me posait un problème. Je leur demandais: Pourquoi ne jouezvous pas ensemble, pourquoi vous m'avez choisi, moi, et pas les autres gosses? Mais, s'ils insistaient, je les caressais quand même". Nolaz ez du nehork hitzik...

Aieteko Jauregia 7 urteren buruan berriz bakezaleen gunea bilakatu da. Karia hortara etorriak ziren Harremanetarako Nazioarteko Taldea, Brian Currin hegoafrikar abokatua, aditua munduan zehar diren gatazkeri aterabide baten atzemaiteko, Raymond Kendall, 1985etik 2000 arte Interpol-eko zuzendari orokorra egona eta Alberto Spektorowski 2000 hamarkadan Israel-eko kanpoko ministroaren aholkularia zena Palestina eta Israelen artean negoziazioak zirelarik. Goizarekin Baionatik pasatu dira, agerpen publiko bat egiten zutela Jean-René Etchegaray, auzapezarekin, Euskal Elkargoko presidente dena. Kanpoko ordezkariek ez dute hitza hartu, arratsaldean Aieteko agerraldian adierazpenak eginen zituztela eta, gauza bakarra Brian Currin-ek eskertu du Baionako auzapeza inplikatu delakoz Euskal Herriko gatazkaren konponbiderako izan diren urrats desberdinetan. Baionako auzapezak du hitza hartu, oroituz duela 7 urte Donostian iragan zen Aieteko ekitaldian parte hartu zuela, esperantza handiak sortuz...

Joan den ostegunean "Collectif Solidarité Migrants-Etorkinekin" mugimenduak deitua zuen Baionako Herriko Etxe aitzinean elgarretaratze batetara. 300 bat pertsona hurbilduak ziren, denek eskatzen zutela harrera gune bat lehenbailehen idekia izan dadin Baionan. Egoera okertzen ari da, anitz etorkin heldu baitira, Italiako bidea hetsia izanez, orain Espainiako estatutik sartzen dira, autobusez eramanak dira Bilbo arte eta handik ahal duten bezala muga pasatzen dute, segitu nahi baitute Frantzian gaindi. Baionako Euskaldunen Plazan, hamarnaka migrante etortzen dira, horietan ama familiakoak haurrak besoetan deus puskarik gabe. Migranteen inguruan ari diren elkarteek eginahalak egiten dituzte jende horier harrera on baten egiteko, egoera biziki larria dela adieraziz. Gaindituak dira, lehenik behar baitzaie eman urgentzian jatera eta edari zerbait (bero ala hotz), beztitzeko puskak ere, gehienak eskuak hutsik heldu baitira. Hau dela eta, eskatzen dute ahal dutenek ekartzea janariak...