Sute handia Jauberrian

Joan den astean sute handi bat izan da Jauberria etxaldean. Iduri luke gasnategitik sua abiatu dela, ardideizteko tresneria eta laborariaren autoa osoki andeatuz. Suhiltzaileek auzo eta adiskideek eginahal guzia egin dute gaineratiko aterbe eta tresnerien babesteko. Hunkituak diren Mizel Dunate eta Yvette Dubois laborariek gure sostengu osoa merezi dute.

Azken asteetako 4 sortzeak

Iduri luke 2018 urtea guziz aberatsa izanen dela sortzeen aldetik, 4 sortzez emendatu baita orain artinoko zerrenda, hots orotara hauen kopurua 14tara helduz gure herrian. Hona azken 4 sortze horiek zoin diren: - Thea Charre Rastau: 2018ko uztailaren 5ean ongi etorri egin zioten Hergaitz Errekarteko Amandine Camille Rastau eta Vincent Clementent Charre andere-jaunek. - Allande Jean Duperret: 2018ko uztailaren 10ean munduratu zuten herri barneko Komentu gainean bizi diren Anais Marie Aphaule eta Floran Nicolas andere-jaunek. - Julen Bellocq: agorrilaren 19an sortua, hunen burasoak dira Nicolas Bellocq eta Aurore Gonzales, Erreñetean bizi direnak - Maitane Barneche: buruilaren 24an sortu zen, honen burasoak izanki Menddiko Sandra Etcheverry eta Patrick Barneche andere jaunak. Ongi etorri herritar ttipieri eta goresmenak hauen burasoeri!

Berri laburrak

40 eta 50 urte artean aurten eginak edo eginen dituzten herritarrak, azaroaren 3an herriko Gozategia (05.59.70.38.99) jatetxean bazkari on baten inguruan bilduko baitira bestaren egiteko xede edo estakuruarekin. Gomita hau herrian sortuak edo azken 10 urteetan herritartuak direnei luzatzen dute. Ez dugu dudarik omore onean iraganen dutela azaroaren 3ko eguna. Omiasainduz, meza 10:30etan iraganen da Aiherrako elizan. Azaroaren 9an, "Kabalkadak Euskal Herrian urteetan zehar" mintzaldi eztaibada, Xabier Itzaina ikerlariarekin, arratseko 8:00etan Aiherrako Denen Etxean.