Behorlegi

Behorlegi Intxauzpea etxaldeko baratzeen presentaketa eta esperientzia trukaketa ederra egin da joan den ostegunean. 70 pertsona hurbildu ziren: batzuk Baiona aldetik jinak, besteak Garazitik eta Amikuzetik, bai eta Hego Iratitik (Otxagabia, Garaioa eta Garralda). Urte osoan zehar, neguan barne, barazki desberdin frango baratzean negutegirik gabe ukaiten ahal zirela ikusi zuten. Zehazkiago, behar diren nutrimendu guziak (proteinak, gluzidoak, lipidoak, bitaminak...) urte osoan etxeko zein barazki, fruitu, lekadun, zitu eta tuberkuluen bidez eskura zitaikeela ikusia izan zen. Bestalde, baratze egile bakoitzak bazituen kontseiluak besteei emaiteko eta besteenak hartzeko, denen baratzeen emankortasuna hobetzeko.

3471. zbk

Girixtino nintazke girixtinoak beti girixtino balire

Gandhi

Gure Hitza | 2018/10/26

Ondoko eta Ahizpa ttipi

Peio Jorajuria

Mintzarazten dute. Tokika, mintzarazten baino gehiago, kexarazten ere, armak hartzeraino. Alta ez dute nehungo hobenik. Ustez, goxoki bizi zauden beren lurretan. Eta hara lurralde arrotz batetara desterratuak izan direla. Izena dute Claverina eta Sorita, biarnesez Ondoko eta Ahizpa ttipi. Konprenitua dukezue, Pirinioetara ekarriak izan diren bi hartz esloveniarrez mintzo gira. Urri hastapenean, helikopteroz utziak izan dira Biarnoan, Aspeko ibarrean, Etsaut herriko eremuetan, Sesques mendiaren mazeletan nonbait. Zazpi/zortzi urteko hartzak, biak ernari, omen, gure mendiak populatzeko esperantzarekin. Hartzak mende luzetan populatu ditu gure mendiak, bainan gaur Pirinioetako jatorrizko hartzarik ez da gehiago. Galtze handia natura eta bionaztasunaren defendatzaileentzat. Frantses Estaduak ezinbesteko ondare hori berriz biziarazi behar dela erabakirik, Esloveniatik hartz batzuren ekartzea deliberatu zen duela hogei bat urte, Esloveniako hartza baita Pirinioetako hartzatik hurbilena, bai...

Irakurri segida

Gurekin harremanetan sar