Eskubaloia

Bakarrik, erregional mailan, nesketan, hemezortzi urtez petiko lehen taldeak irabazi du Tyrosse-ri, 45-22. Komiteen artekoen, Frantziako xapelgoa zuten, Nousty herrian, 15 urtez petiko neskek. "Komite 64"-ko partida guziak irabazi dituzte eta ederki kalifikatu dira, Orléans-era joaiteko finalen jokatzera. Irisarritik 3 neska baziren selekzionatuak, Manon Laforest, Kleina Oxandabaratz eta Emilie Mugica. Denak ederki jokatu dira, biba horieri eta bertzeeri ere!

Heldu den larunbateko partidak - Gizonetan, prenazional mailan, bigarren taldeak Olorone errezebituko du (19:00). Frantziako xapelgoan, hemezortzi urtez petiko taldea Bègles-era joanen da (19:00). Nesketan, lehen taldea joanen da Ossau taldearen kontra jokatzera (20:00). Bigarren taldea joanen da Nafarroara (20:15).

Erregional mailan, hemezortzi urtez petiko lehen taldea Baionara joanen da (18:15).

Musa

Irisarritik 2 talde Pazko astelehenez Lasan Frantziako xapelgoan arizan dira. Mikel Minhondo eta Xantxo Hauscarriague lehen mailako final-zortzirenak arte joan dira. Béatrice eta Patrick Legartok galdu dute, final-laurdenetan, bigarren mailan. Biba bi pare horieri, lehiaketa ederra egin baitute.