Herriz Herri - Donapaleu (NB) | 2024ko Martxoaren 28a

Otxalde eta Iluma kontzertuan - Amikuze: zazpi ekipa Frantziako mus lehiaketan - Bideaken sasoin berria hasten

Otxalde%20eta%20Iluma%20kontzertuan%20-%20Amikuze:%20zazpi%20ekipa%20Frantziako%20mus%20lehiaketan%20-%20Bideaken%20sasoin%20berria%20hasten

Otxalde eta Iluma kontzertuan Bideaken

Martxoaren 30ean (20:30) iraganen den kantaldi hau “Les Battements d'Elles” elkarteak antolatzen du. Elkarte hunek minbizia duten emazteak kultura eta kirola sailetan laguntzen ditu, aktibitate berezi batzu animatuz. Jarduera horiek laster proposatuak izanen dira Donapaleuko ospitalean diren pazienteri, eritasunari lotu isolamendu sozialetik ateratzeko.

Heldu den ibiakoitzeko kontzertuan Otxalde eta Iluma entzuten ahalko dira. Euskal musika eta kantuzale guziendako ez huts egiteko kontzertua. Txartelak turismo bulegoan edo kontzertua aitzin eskuratzen ahalko dira.

Zazpi ekipa Frantziako mus lehiaketan

Herrietako eta kantonamenduko lehiaketak iragan ondoan, Amikuzetik, zazpi ekipa Lasarat joanen dira apirilaren 1ean, Pazko astelehenez jokatuko den Frantziako mus txapelketa finalerat. Hauek dira:

Aiziritze: Franxoa Ayçaguer - André Oxoby

Amorotze: Peio Lamarque - Vincent Lamarque

Arboti: Frantxua Comets - Matthieu Larrouy

Behauze: Nicolas Elissalde - Xenan Irigoin

Ilharre: Franxoa Thicoïpe - Jamattit Thicoïpe

Lohitzune: Jean-Michel Harguindéguy - Philippe Mocotéguy

Lukuze-Altzümarta: Carine Bizos - Christelle Sallagoity

Xantza on desiratzen diegu!

Bideaken sasoin berria aste huntan hasten

Bideak, Donapaleuko kultur guneak bere ateak zabaltzen ditu martxoaren 25etik goiti. Sasoin berria hasteko bi erakusketa proposatzen ditu lekuko artisten ohoratzeko. Arteen gelan, 16 artisten obrak erakutsiak izanen dira (margolariak, pastel egileak, irudigileak, grafistak, marrazkilariak, potret egileak, zizelkariak). “Gune'Art” deitu erakusketa huntan, bakoitzak bere inspirazioa eta sentsibilitate artistikoa landu ditu.

Bestalde, ezagutzari doakion gelan, lekuko hiru elkartek beren sorkuntzak erakutsiko dituzte: Artizar, Mila Kolore eta Loisirs et Amitiés.

Erakusketa hauek martxoaren 25etik apirilaren 20a arte ikusten ahalko dira, astelehenetik ibiakoitz arte (10:00-12:00 eta 14:00-18:00).

Email Buffer Facebook Google Twitter Pinterest LinkedIn Digg StumbleUpon Tumblr

3741. zbk

Gure Hitza | 2024/03/28

Euskara dantzatuko

Peio Jorajuria

Korrika genuen aktualitate gorrian azken egun hauetan. Zer burrunba hamar bat egunez Euskal Herri osoan! Soberakina, euskararentzat amodiorik ez dutenentzat. Atsegina, euskararen maitale guzientzat. Euskaltzaleek, nork bere xokoan, harrotasun handiz bete dituzte euskararen alderako urratsak, aurtengo “Harro Herri” leloa suharki oihukatuz. Eta gar bera ezagutu dute Korrika Ttiki guziek, haur eta gaztetxoen oihu loriatuen pean, bai eta euskal diasporan ere arrakastaz bete diren urratsek.

Gipuzkoako bigarren hiri jendetsuenetik egin da abiatzea, Irundik. 63.000 biztanle nonbait han ditu Irunek. Biztanle kopuru ederra, baina euskal hiztunen kopurua askoz mendreagoa du. Euskararen alderako nahikaria haatik oso kementsua duela erakutsi du Korrikaren abiatzean, Irungo plaza nagusia jendez mukuru zegoela, dena kolore. Eta zer emozioa Irundik Hendaiarakoan Santiago zubia zeharkatu delarik ikurrin tunelaren pean! Zubia, eta beraz muga...

Irakurri segida


Gurekin harremanetan sar




segurtasun kodea

Herria Euskal Astekaria - Imprimerie du Labourd - Cazenave bidea, 29 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016