Herriz Herri - Ziburu (L) | 2024ko Martxoaren 28a

Buxeta orientazioa - Helbideratzea - Tailer numerikoak - Asiako lozerrak

Buxeta orientazioa

Iazko abenduan, herriko kontseilua bildu zen 2024ko buxeta orientazioa eztabaidatzeko. Aurten, martxoaren 20an egin da herriko kontseilua, gai-zerrendako aurrekontu-orientabideei buruzko eztabaidekin. Hainbat gai tratatuak izan dira, besteak beste funtzionamendu karguak, engaiamendu eta gauzatze tasa, egunerokoaren hobetzea, ekintza sozialak, iraunkortasuna eta ekintza kulturala baita elebiduna ere.

Helbideratzea

10-15 urtero bezala, doblatuak diren bide batzuen izen eta zenbakiak eguneratuak izanen dira, Euskal Elkargoak bultzaturik. Etxebizitza guziak ez dira hunkituak izanen. Pertsona batzuk gutuna etxean errezibituko dute. Informazio gehigarrien ukaiteko, deitu 05-59-47-26-06.

Tailer numerikoak

La Fibre 64 eta herriko CCAS-ak antolaturik, numerikoaren mundua hobeki ezagutu nahi duten pertsonentzat tailerrak antolatuak dira. Hurrengo hitzorduak hauek dira: erabilera anitzeko gelan, martxoaren 29an ostiralez eta apirilaren 4an ostegunez. Herriko Etxeko kontseilu gelan aldiz, apirilaren 12an ostiralez. Tailer horiek urririk dira, parte hartzeko aitzinetik izena eman behar da CCAS-a deituz: 05-59-47-92-87. Informazio gehigarriak mairie-ciboure.fr webgunean.

Asiako lozerrak

Herriak Asiako lozerren kontrako harrapagailuen kanpaina martxan eman du. Harrapagailuak merkatuan banatuak izan ziren. Habi bat etxean ikusten bada, galdegina da Herriko Etxea deitzea 05-59-47-26-06. Habiaren suntsitzeaz okupatuko da eta fresak beregan hartuko ditu. Informazio guziak mairie-ciboure.fr webgunean.


Email Buffer Facebook Google Twitter Pinterest LinkedIn Digg StumbleUpon Tumblr

3741. zbk

Gure Hitza | 2024/03/28

Euskara dantzatuko

Peio Jorajuria

Korrika genuen aktualitate gorrian azken egun hauetan. Zer burrunba hamar bat egunez Euskal Herri osoan! Soberakina, euskararentzat amodiorik ez dutenentzat. Atsegina, euskararen maitale guzientzat. Euskaltzaleek, nork bere xokoan, harrotasun handiz bete dituzte euskararen alderako urratsak, aurtengo “Harro Herri” leloa suharki oihukatuz. Eta gar bera ezagutu dute Korrika Ttiki guziek, haur eta gaztetxoen oihu loriatuen pean, bai eta euskal diasporan ere arrakastaz bete diren urratsek.

Gipuzkoako bigarren hiri jendetsuenetik egin da abiatzea, Irundik. 63.000 biztanle nonbait han ditu Irunek. Biztanle kopuru ederra, baina euskal hiztunen kopurua askoz mendreagoa du. Euskararen alderako nahikaria haatik oso kementsua duela erakutsi du Korrikaren abiatzean, Irungo plaza nagusia jendez mukuru zegoela, dena kolore. Eta zer emozioa Irundik Hendaiarakoan Santiago zubia zeharkatu delarik ikurrin tunelaren pean! Zubia, eta beraz muga...

Irakurri segida


Gurekin harremanetan sar




segurtasun kodea

Herria Euskal Astekaria - Imprimerie du Labourd - Cazenave bidea, 29 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016