Herriz Herri - Bidarrai (NB) | 2017ko Maiatzaren 25a
Heriotze
Manez Heguy zendu zaiku joan den astean, 92 urtetan. Medikuntzatik erretiratuz geroztik À¢'€'" Castelsarrazin hirian egona zen luzaz À¢'€'" Baionan bizi ziren Francine eta biak. Frangotan gure herrirat etortzen zirela, hain ziren Bidarrairi eta bidarraitarreri atxikiak. Xurrutakoa zen sortzez, zazpi haurridetako gazteena. Bainan doi doia hiru hilabete zituelarik ama zendu zitzaioten. Labruquère andereak zuen bere gain hartu, hau bigarren ama zuela, eta geroztik andere horren etxea zuen Manezek berea. Ortziralean iragan dira ehorzketak kartsutasunean. Penetan diren Francine, bi seme-alaba eta hauen familieri bai eta ahaidego osoari doala hemendik gure atxikimendua. Bertzalde, aitzineko astean Laurent Pochelu donamartiritar apeza ere zendu da, 80 urtetan, minbiziak bereturik. Oroit gira urte batzuk eman zituela gure parropiaren zerbitzuko. Haren familiari ere gure agurrik zintzoenak.
