1962ko ekainean bere lehen meza ema zuen elizan eginak izan dira Laurent Pochelu Agerreko apezaren ehorzketak maiatzaren 13an. Laurent Hazparneko San Josep lizeoan egon zen erakasle eta zuzendari, gero erretor Mithiriñan, Donapaleun, Arruta-Sarrikotan, Martxutan, Baigurako Jondoni Jakobe parropian (Irisarri, Suhuskune, Ortzaize, Arrosa, Bidarrai), apez laguntzaile Garazin eta azkenik Maulen. 2016ko irailean erretiratua zen Kanboko Arditeia etxerat, merexitua zuen pausuaren hartzeko. Euskal Herriko xoko guziak kurrituak artzain onaren gisa, Laurent zure ehortz mezan sartzeko kantua artzain ona "mortuz mortu dabila" dugu denek ozenki kantatu. Meza emaile Joachim Jauregui, apezpikua ezin etorriz, ondoan zituela Dominique Errecart, Frantses Dardan parropiako erretora, eta Robert Mendiburu, herriko seme apeza, aldare aitzinean beste 28 apez. Prediku alkitik Jean-Pierre Etcheverry apezak erran du nor zen zinez Laurent, apez bihotz zabalekoa, laborantxa munduari atxikia, nahi zuela gaztek formakuntza bat ukan zezaten. Laurent, zuk hain maite zinuen Donamartirin, Agerrea etxaldea bide onean dukezu. Zure iloba ttipiek zoin kartsuki eta amultsuki irakurtu dituzten irakurgai eta fededun otoitzak, bai euskaraz eta erdaraz! Pausa zaitela, Laurent, betiko zorionean zure aitamen, Jean eta Xemartin haurrideen ondoan. Doluminak.