Herriz Herri - Izturitze (NB) | 2018ko Urriaren 11a

Isturitze

M. Gonzales – X. Lambert – Sorondo epailea – T. Harismendy – P. Bielle.
M.%20Gonzales%20a€“%20X.%20Lambert%20a€“%20Sorondo%20epailea%20a€“%20T.%20Harismendy%20a€“%20P.%20Bielle.

Herriko besten berri

Giro onean iragan dira aurtengo bestak, jendalde pollita bildurik oro har. Aroaren aldetik, haize hego goxoaren ondotik, larunbat arratseko jin zauku euri freskoa, udazken huntako idortea hautsi duena, batzuek ziotenaz urrea. Aro aldaketa horrek ez du haatik traba handirik ekarri, larunbat arratseko zikiroak joan den urtean baino afaltiar gehiago ukan baitu. Igande arratsaldez ere trinketa untsa bete da pilota lehiaketaren finalarentzat. Aitzinetik eta ondotik arizan diren dantzari eta makilariek ere ukan dutelarik behazale. Artetxean euskal antzerkiak eta kantu bazkariak gaitzeko arrakasta ukan dute berriz ere; antzerkiarentzat gela kokahala betea eta igandez 100 bazkaltiarrez goiti giro ezin hobean.

Pilota lehiaketaren berri

Finalerdietan ostiralez: Julien Etchegaray – Pascal De Ezcurra 37, Mikel Gonzales - Ximun Lambert 40. Alexis Inchauspe – Bixente Zubiat 27, Philippe Bielle – Thierry Harismendy 40 Igandean finala: Philippe Bielle – Thierry Harismendyk ereman dute 40 – 27 Mikel Gonzales eta Ximun Lambert-en aurka. Partida azkar eta tinki hasi dute 4 pilotariek eta hola segitu, 14-15 zirelarik Ximun Lambert-ek esku ezkerra kolpatu arte, ondorioz Ximunek ez zezakeen ezkerrarekin jo. Hala ere partida aski orekatua izan da kintze eder anitzekin Mikel Gonzales-i esker. Thierry Harismendy auzo herritarra azkar agertu zauku finalean eta ere finalerdietan Philippe Biellek bere lekua untsa atxikitzen zuela. Eskerrak herriko gazteriari bai eta Artetxea elkarteko arduraduneri herriko pesten karietara gehigarri aberatsa eskainirik.

Email Buffer Facebook Google Twitter Pinterest LinkedIn Digg StumbleUpon Tumblr

3469. zbk

Bera eleketaria denak ez ditu biziki maite eleketariak diren beste jendeak.

Arabiako erran zaharra

Gure Hitza | 2018/10/11

Izitzekoa

Janbattitt Dirassar

Lau lagun ostatu batean egoki, aspaldian usaia hartua duten bezala, mundu zabaleko gertakari asko eta asko aipatuz, batek hau eta besteak hura... Ari ziren beraz Indonesiako ugarte batzu azkarki zafratu dituen lur-ikara hortaz. Telebixtan kondatua izanik zortzi ehun hil segurik bazirela eta beharbada aise gehiago ere... (2000 hilez goiti geroztik jakin denaren arabera). Ikaragarriko makurrak bestalde! “Holako baten aditzeak berak hotz-ikara bat bezala emaiten dauzu, zinez izitzekoa ere bada...” horra berehala entzun den ateraldia. Eta bai, izitzekoa ere bada, ez da dudarik, nahiz ez giren ere alde bat ikaran egoiten ahal nun zer gertatuko den... Duela bi mila urte nunbait han, Seneka idazle famatuak gutun batzu bidali zaizkion Lucilius bere adixkideari. Hauxe ziola besteak beste: ez dela aitzinetik sobera kezkatu behar noiz zer nahigabe jasan beharko den, gero ere ukanen duzula nigarrez artzeko denbora. Denak hein bat untsa doatzino hasten balinbazira dena pleinu, zuhauren kalte...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016