Herriz Herri - Uztaritze (L) | 2018ko Urriaren 11a

Uztaritze

Koloreak abesbatza
Koloreak%20abesbatza

Eskola elebidun

Irailaren 11n Idekia eskola publikoak bere lehen gela elebiduna ideki du ama eskolan direnen 28 haurrekin. Idekitze hau, Herriko Etxeak, hezkuntza nazionalarekin eta Euskararen Erakunde Publikoarekin ereman gogoetaldi baten ondorio ona da. Duela hiru urte egin lehen entseguak porrot egin zuen. Berriz erakundeek burasoekin eta erakasleekin harremanetan jarririk heldu dira aurten lehen idekitze hortara, aldiz lehen mailarentzat egin galdea ez da burutu. Menturaz helduden urteko sartzerako? Hizkuntzalaritza politikan Herriko Etxearen helburua baita euskararen azkartzea herrian pozik agertzen da eskola elebidun bat gehiago zabaltzeaz. Doala euskara bide onean.

Herri uzta

Zonbait urte huntan bezala Herri Soinu elkarteak antolatua du Herri Uzta festibala Uztaritzen Koloreak abesbatza eta Arrangoitzen Hats Berri eta Errobiko Kaskarotak elkarteen laguntzarekin, aurten urriaren 11tik 14ra. Huna egitaraua nola doan: ortzegun huntan 11n festibalaren estreinaldia Bilgune salan (19:00) hautetsiekin; (20:30) Koloreak emazte abesbatzaren kantaldia kantu herrikoi eta berriekin eta ondotik ''Aintzina Pika'' mintzaldi ikusgarria Jean-Mixel Bedaxagar eta Mixel Etchecopar- ekin. Ortzirala 12an (20:30) Bilgunen musika, dantza tradizional eta sorkuntza hiru talderekin: Gaita Luze, Uztaritzeko txistulariak eta Burrunka. Larunbat 13a (10:00) Hiribehereko plazan Dianak, txistulari, gaitero eta trikitilariekin; (12:00) Mutxikoak Erdizka taldearekin eta gaiteroekin; (15:30) Kabalkada Uztaritzeko karriketan zehar; (16:00) Kabalkada ikusgarria Bilguneko pilota plazan Izartxoren 50 urtekari 200 aktorek (musikari, dantzari eta kantari) parte hartuko dutela (sartzea 12 euro); (19:00) zintzur bustitzea talde guziekin Dassance ikastolak antolatuko duela janarien lana; (21:00) dantzaldia Kiki Bordatxorekin. Aro txarra balitz ikusgarria eginen da Kiroletan. Igande 14an Mutxikoen egunakari (40 urte aurten) ikusgarri guziak Arrangoitzen iraganen dira. Ongi etorri deneri.

Ganer huste

San Frantses kolegioak ganer huste bat antolatzen du helduden igande huntan 14an, (9:00–18:00) kolegioko parkean. Suerte on hor dabiltzan bezeroeri.

Email Buffer Facebook Google Twitter Pinterest LinkedIn Digg StumbleUpon Tumblr

3469. zbk

Bera eleketaria denak ez ditu biziki maite eleketariak diren beste jendeak.

Arabiako erran zaharra

Gure Hitza | 2018/10/11

Izitzekoa

Janbattitt Dirassar

Lau lagun ostatu batean egoki, aspaldian usaia hartua duten bezala, mundu zabaleko gertakari asko eta asko aipatuz, batek hau eta besteak hura... Ari ziren beraz Indonesiako ugarte batzu azkarki zafratu dituen lur-ikara hortaz. Telebixtan kondatua izanik zortzi ehun hil segurik bazirela eta beharbada aise gehiago ere... (2000 hilez goiti geroztik jakin denaren arabera). Ikaragarriko makurrak bestalde! “Holako baten aditzeak berak hotz-ikara bat bezala emaiten dauzu, zinez izitzekoa ere bada...” horra berehala entzun den ateraldia. Eta bai, izitzekoa ere bada, ez da dudarik, nahiz ez giren ere alde bat ikaran egoiten ahal nun zer gertatuko den... Duela bi mila urte nunbait han, Seneka idazle famatuak gutun batzu bidali zaizkion Lucilius bere adixkideari. Hauxe ziola besteak beste: ez dela aitzinetik sobera kezkatu behar noiz zer nahigabe jasan beharko den, gero ere ukanen duzula nigarrez artzeko denbora. Denak hein bat untsa doatzino hasten balinbazira dena pleinu, zuhauren kalte...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016