Herriz Herri - Baigorri (NB) | 2019ko Urriaren 24a

Baigorri

Ezkontza Joan den ibiakoitzean, Txomin Ion Arreguy, Germieta Aitzinekotxeko semeak biziko laguntzat hartu du Soizik Humayou andere gaztea. Jaun esposak etxeko laborantza segituko du ardiekin baita mahastigintzan eta andere esposa Baionan sortuak euskara erakasle segituko du eskoletan. Gure goresmenak eta agiantza hoberenak bikote gazteari, agurrak ere beren familieri. Telethon Gertaera hunen egunak hurbiltzen ari zauzkigu, aurtengoa abenduaren 6 eta 7an iragan beharra izanez. Jadanik, zonbait denbora huntan esku abileko emazte batzuk ari zauzkigu haur ttipientzat jauntzi berezien trikotatzen. Hauek egin lan ederrak, salgai aurki ditaizke Spar Oronos dendan. Emazte horiek jakinarazten dute salmenta horietarik hartu dirua, osoki ixuria izanen dela Telethon ekintzari. Ahal duten guziek obra on hortan parte har dezatela. Pilota Herriarena trofeoaren kondu, joan den igandean lehen kanporaketak jendalde ederra bildu du herriko trinketean. Pilotarietan haatik bi ordaintze izan dira: T. Harismendyrekin A. Inchauspe arizan da Echegarayren ordez, L. Lambert-ekin A. Amulet arizan da Luis Sanchez-en ordez. Lau pilotariek gogotik jokatu dute, sei berdintze izan direlarik, azkena 23etan. Hortik goiti, Inchauspe eta Harismendy freskoago agertu dira eta partida irabazi dute 40/26, oren bat eta hamahiru minutu iraun duen partida eginik. Inchauspek: 11 sake eta Lambert-ek: 5, partidaren iraupena oren bat eta 13 minutu. Heldu den igandean, bi finalerdiak jokatuko dira. Irabazdun hauek ariko dira P. Bielle eta B. Ducassouren kontra (16:00) eta ondotik M. Ospital eta X. Lambert, M. Olçomendy eta P. Guichandut-en kontra. Lehen kanporaketa hau aitzin, beste partida bat jokatu da: lehen mailan, txapelgoaren kondu Zaharrer Segiko Alcasena eta Hualde arizan dira Sarako Izarrako Alfaro eta Calvet-en kontra eta irabazi dute 40/17.
Email Buffer Facebook Google Twitter Pinterest LinkedIn Digg StumbleUpon Tumblr

3520. zbk

Liranja ederrenak ez dira beti hoberenak emazteak berdin

Adolph Ricard

Gure Hitza | 2019/10/24

Politikero ezdeusak

Jean-Louis Harignordoquy

Estatuburuentzat ez ditaike lan errexa politikari ona izaitea. Horrek eskatzen baitu, nork bere buruaren abantailak baztertuz, ordezkatzen duen jendarte guziaren arrangurak eta ongi izaitea gogoan, aterabide egokiak asmatzen eta bideratzen jakitea, araberako manuak emaitea, estatuko egiturak zinezko zerbitzuak bilaka ditezen. Aitzindari gorenak xede hoberenak ukaitea ez da aski. Lehen lana du gobernu baten muntatzea. Bere alderdiarekin gehiengora heltzen ez delarik, nahitez ikusi behar du beste batzuekin nolako tratuak adostu ditzazken. Gure lehen auzo erresuman politikari on baino politikero ezdeus gehiago ikusten ditugu. Bestenaz, ez zen azaroaren 10ean Espainiako hauteskunde nagusien errepikatze beharrik izanen. Joan den apirilaren 28an Sanchez jarduneko gobernuburu sozialista atera zen garaile, bainan legebiltzarrean gehiengo osotik urrun. Geroztik, Sanchezek denbora galdu du eztabaida antzuetan, ahantzirik duela urte bat hitzemanak. Orduan beste alderdi mul...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016