Jakintza elkarteak plazaratu du
udazkeneko bere aldizkaria. Burutik
buru Saraz ari dena, Jacques
Antz ikerle baliosak akulatu lanen
argitarat. Behako berezi bat emanez
herriari. Bai, hala da, arras
berezia zinez. Ez dira aipatzen
Sarako eliza, pilota plaza laxoak,
trinketa, bazterrak, etxeak, mugaren
hegiko benttak. Ez da aipatzen
Axular erretor famatua, hitz bat ez
da lehengo eta oraiko pilotarietaz.
Bainan zertaz da beraz solasa?
Gaitzeko itzulia egiten da lurpez
lurpe, erraiten ahal ginuke harpez
harpe, geldialdi luze bat eginez
leize edo leze handian, turismogune
famatua bilakatua den toki
arraro hortan. Ederki erakutsia da
badela hor, lurpez lurpe beraz,
ondare bat ezin aski preziatua.
Eta Axular handia ez bada sartzen
lan balios hortan, bere tokia
hartzen du Joxe Migel Barandiaran
ataundar apez jakintsunak.
Dotzena bat urte egon zen Saran
eta biziki ikerketa baliosak akulatu
zituen, orai denentzat baliagarri
direnak.
Altxor bat
Bai, Sarak badauka lurpez ere
altxor paregabe bat. Denek ezagutzen
dukete Leze Handi delako
hori bainan harpe edo(eta) leize
badira beste hamar bat. Uriogaina,
Uriobeherea, Faardiko Harria
eta Leze-Ttiki besteak beste. Ez
dira oraikoak segur! Izadiak ditu
moldatuak, aski denbora hartuz,
Mendialdetik jautsi urek dituzte
xixelkatuak tokia gisa hartakoa izanez
eta urteak joan dira ez mendeka
bainan miliunka eta miliunka.
Badakigu ere denbora batez, biziki
aspaldi egia erran, toki berezi
horiek jende frangoren bizileku
izanak direla. Lehen biztanleak
orobat Neanderthal motako
jendeetarik izanak. Iduriz jendeak
etziren alde bat hor egoiten. Egonaldi
luzeak egiten bazituzten ere.
Aspaldian ez da gehiago jenderik
hor bizi bainan bada zernahi gauainhara.
Ardura gorderik daude
bainan artetan ikusten dira halere.
Fama handiko bisita
Hemeretzigarren mendean hasi
zen gure eskualdetan ere turismoaren
saila azkartzen. Bereziki
burdin-bidea egin zelarik Parisetik
Hendaiaraino. Gero eta kanpotiar
gehiago bazter ikuska jinez. Bestalde,
1858an, irailaren 20an, nor
jin ziren Leze Handirat? Napoleon
III-a eta bere andrea. Bisitaldi horrekin
aitzina emendatu zen tokiaren
fama. Bisita horren oroigarri
orai ere ikus ditake, lezerat sartze
hortan berean, harri apaindu bat
untsa ederra. Gauzak aise gehiago
kanbiatu ziren haatik oraino iragan
mendean. Miarriztar aberats
batek bere gain hartu zuelarik Leze
Handiaren untsa atxikitzea, bide
manerako bat idekiz ateraino, bazterrak
ere garbi begiratuz. Obran
hasi ziren karraskan 14ko gerla
aitzinttoan, gelditu gerla denboran
eta lanak bururatu handik zonbait
urteren huruan. 1970ean, herriak
du segida hartua, aitzina edertuz
tokia. Bestalde, geroztik muntatua
izan da ondo hartan gaitzeko erakustegi
aberatsa, aurrehistoriako
aztarna frango bildurik, Jacques
Blot eta Michel Duvert ikerle
baliosak eragile suhar. Erakustegi
horri emana diote Joxe Migel Barandiaran
apezaren izena.
Jakintza elkartearen zenbaki berak
aipatzen ditu ere Leze Handian
egin diren ikerketa asko.
Oroitarazten ere denboran zonbat
istorio kondatu den leize alimale
hortaz, laminak jiten zirela eta nik
dakita zer.
3520. zbk
Liranja ederrenak
ez dira beti
hoberenak
emazteak
berdin
Estatuburuentzat ez ditaike lan errexa politikari
ona izaitea. Horrek eskatzen baitu,
nork bere buruaren abantailak baztertuz,
ordezkatzen duen jendarte guziaren arrangurak
eta ongi izaitea gogoan, aterabide
egokiak asmatzen eta bideratzen jakitea,
araberako manuak emaitea, estatuko egiturak
zinezko zerbitzuak bilaka ditezen.
Aitzindari gorenak xede hoberenak ukaitea
ez da aski. Lehen lana du gobernu baten
muntatzea. Bere alderdiarekin gehiengora
heltzen ez delarik, nahitez ikusi behar
du beste batzuekin nolako tratuak adostu
ditzazken.
Gure lehen auzo erresuman politikari on
baino politikero ezdeus gehiago ikusten ditugu.
Bestenaz, ez zen azaroaren 10ean Espainiako
hauteskunde nagusien errepikatze
beharrik izanen. Joan den apirilaren 28an
Sanchez jarduneko gobernuburu sozialista
atera zen garaile, bainan legebiltzarrean
gehiengo osotik urrun. Geroztik, Sanchezek
denbora galdu du eztabaida antzuetan,
ahantzirik duela urte bat hitzemanak.
Orduan beste alderdi mul...