Mundu zabalean | 2019ko Urriaren 24a

Turkiak gerla irabazixea Ipar Sirian

M.L.

Hamabost egun barne Recep Tayyip Erdoganek Sirian burutu duen gerlarekin kausitu du Siriako kurdiarrak beren lurralde geografikotik aldaraztea. Urriaren 17an onartu zuelarik bost eguneko armen pausa baten markatzea, jada segurtatua zuen Siriako muga gunean geriza eremu bat gutienean 100km luzetasunekoa eta 32km largokoa. Eremu horren barnean bizi ziren kurdiarrek ez zuten beste erremediorik izan lekuak hustea baizik, bereziki Ras al-Aïn deitu beren hiria utzi zuten joan den igandean, 86 kamioietan bildu ondoan beren soldaduak, armak, kolpatuak eta hilak. Nola ber egunean Amerikarrek Kobane inguruetan zituzten bi base militarrak hustu dituzten, hara Erdogan garaile. Bere kontrolpean hartu ditu Afrin, Kobane eta Ras al-Aïn, hain zuzen Siriako kurdiarrek kudeatzen zuten eremuaren hiru gune nagusiak. Gerlako hamabost egunen bilana: Siria aldean 256 soldadu eta zibil kurdiar hilak, eta parean Turkiako soldaduen artean 196 hil. Bizia galdu duten Siriako Kurdiarren artean: Havzin Khalah, 35 urteko emaztea. “Siriako Geroa” izenaren pean militanteak biltzen dituen alderdiko idazkari nagusia. Multzo horrek biltzen baititu aldi berean Bachar al Assad Siriako presidentea eta Daechen kontra borrokatzen diren kurdiar eta arabiarrak. Emazteen eskubideen aldarrikatzailea zen eta saiatzen zen “Siriaren Geroa” koalizioan sarraraztera kristau eta Yezidiak. Emazte horren gorputza tiroz eraila eta meskaratua atzeman zuten urriaren 12an. Siriako gerla horretara hurbiltzea kausitu duten adituek sumatzen dute emazte hori bezalako etsai entzutetsuak ez dituztela Turkiar soldaduek erail, baizik eta Erdoganek diruaren truke kontratatu mertzenario batzuk, Daech hor zeno harekin borrokatzen zirenek hain zuzen. Joan den astelehen gauean burutzekoa zen Turkiar armadak hartu pausaldia. Adituen arabera gerla berriz abiatu beharra zuten Turkiarrek beren geriza-eremuaren emendatzeko luzetasunean 450km arte. Inor ez zen gai iragartzeko zenbat soldadu kurdiarrek segituko zuten gerla Bachar al Assad presidentearen armadarekin. Gauza seguruena hauxe da: Erdoganek bidea irekia duela orain haizatu kurdiarren lekuetan Siriatik jin iheslari familiak kokatzeko. Honenbestez Siriako ipar ekialdeko eremu bat Turkiaren kudeantza zuzenera pasatuko da hain segur ere.
Email Buffer Facebook Google Twitter Pinterest LinkedIn Digg StumbleUpon Tumblr

Mundu zabalean | 2019/10/24

Txilen asaldadura sozial larriak

M.L.

Txilen%20asaldadura%20sozial%20larriak
Asaldadurak piztu ziren Txilen urriaren 17ko gauean. Geroztik kasik gauero segitu dute. Adituek diotenez, garraioen prezio emendioa da nahasketen arrazoi nagusia: jada joan den urtarrilean metroan ibiltzeko txartelaren prezioa pasatu zen 780 pesotik 300etara; hona urri honetan berriz hupatu dela 830 pesoraino. Arras laster hedatu da jendeen aserrea sare sozialetan. Urriaren 17an 33 presuna arrastatu zituen polizak Santiago hiri nagusiko metroan burutu ziren fundiketen ondotik. Sebastian Piñera “Renovacion Nacional” eskuintiar alderdiko presidenteak larrialdiegoera ezarri zuen. Berehala Javier Iturriaga armadako jenerala ezarri zuen asaldurak geldiarazteko poliza eta soldaduen buru. Ostiral eta larunbatak manifestaldi jabalagoekin iragan dira, Santiago hiri nagusian bai eta ere Valparaiso eta Viña del Mar hiri gotorretan. Memento hartan presidenteak garraio txartelen prezio emendioa ezabatu zuen baina jendeak segitzen du asaldatzen. Igandean berean supermerk...

Irakurri segida

3520. zbk

Liranja ederrenak ez dira beti hoberenak emazteak berdin

Adolph Ricard

Gure Hitza | 2019/10/24

Politikero ezdeusak

Jean-Louis Harignordoquy

Estatuburuentzat ez ditaike lan errexa politikari ona izaitea. Horrek eskatzen baitu, nork bere buruaren abantailak baztertuz, ordezkatzen duen jendarte guziaren arrangurak eta ongi izaitea gogoan, aterabide egokiak asmatzen eta bideratzen jakitea, araberako manuak emaitea, estatuko egiturak zinezko zerbitzuak bilaka ditezen. Aitzindari gorenak xede hoberenak ukaitea ez da aski. Lehen lana du gobernu baten muntatzea. Bere alderdiarekin gehiengora heltzen ez delarik, nahitez ikusi behar du beste batzuekin nolako tratuak adostu ditzazken. Gure lehen auzo erresuman politikari on baino politikero ezdeus gehiago ikusten ditugu. Bestenaz, ez zen azaroaren 10ean Espainiako hauteskunde nagusien errepikatze beharrik izanen. Joan den apirilaren 28an Sanchez jarduneko gobernuburu sozialista atera zen garaile, bainan legebiltzarrean gehiengo osotik urrun. Geroztik, Sanchezek denbora galdu du eztabaida antzuetan, ahantzirik duela urte bat hitzemanak. Orduan beste alderdi mul...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016