Asaldadurak piztu ziren Txilen urriaren 17ko gauean. Geroztik kasik gauero segitu dute. Adituek diotenez, garraioen prezio emendioa da nahasketen arrazoi nagusia: jada joan den urtarrilean metroan ibiltzeko txartelaren prezioa pasatu zen 780 pesotik 300etara; hona urri honetan berriz hupatu dela 830 pesoraino. Arras laster hedatu da jendeen aserrea sare sozialetan. Urriaren 17an 33 presuna arrastatu zituen polizak Santiago hiri nagusiko metroan burutu ziren fundiketen ondotik. Sebastian Piñera "Renovacion Nacional" eskuintiar alderdiko presidenteak larrialdiegoera ezarri zuen. Berehala Javier Iturriaga armadako jenerala ezarri zuen asaldurak geldiarazteko poliza eta soldaduen buru. Ostiral eta larunbatak manifestaldi jabalagoekin iragan dira, Santiago hiri nagusian bai eta ere Valparaiso eta Viña del Mar hiri gotorretan. Memento hartan presidenteak garraio txartelen prezio emendioa ezabatu zuen baina jendeak segitzen du asaldatzen. Igandean berean supermerkatu batzuetan bai eta jantzi lantegi batean asaldariek sua piztu zuten, suhiltzailek 11 gorputz atera zituzten fundiketak eta suteak gertatu diren saltegietan. Txilek 18,8 milioi biztanle ditu hamahiru lurraldetan banatuak. Urteak du Txileko gehiengoa denboran Espainiatik eta joan den mendean Alemaniatik etorri larru azal xuriko biztanlek osatzen dutela, lekuko indio Maputxeak gainditurik. Hauek Araucaniako lurraldean dute komunitaterik kopurutsuena 150 000 biztanlerekin. Erakusteko traba anitz badutela Maputxe hizkuntzek ez dute legezko ezagupenik, eta beren nortasuna kolektiboki erakusterik ez dute. Txiletarren %64 kristaua dela diote azken jende kondaketek. Memento zailak bizi dituzte hango katolikoek, bereziki pedofilia aktualitatearen karietara Aita Sainduak Txileko apezpiku guziak kargutik kenduak baititu.