Herriz Herri - Hazparne (L) | 2019ko Urriaren 24a

Hazparne

Heriotze Joan den astean zendu da Jeannot Arotçarena, urteetan kaseta huntan berri emaile izana, 74 urte zituen. Larunbatean iragan dira haren ehorzketak. Milesker Jeannot zure lanarentzat eta dolumin bizienak zure familiari. Hauteskundeak prestatzen “Herritarrekin ezkerreko alternatiba” deitzen da iragan hauteskundeetan abertzale eta ezkertiar batzuk osatu zuten zerrenda. %23 boz bildurik, hiru hautetsi lortu zituen. Hautetsi horiek sustengatzen zituela, taldea erregularki bildu da eta hara oraiko egoeraz zer dion: ✓ Herriaren jendetza emendatzen ari dela. ✓ Azpi egituren mugak agertzen hasiak direla. ✓ Hiri zentroa saturatua dela. ✓ Komertsioa ahulduz doala. ✓ Prekaritatea gero eta gehiago ageri dela. Taldeak egin azken biltzar nagusian 2020ko hauteskundeetan, “Herritarrekin gure alternatiba Hazparnerentzat” deitu zerrenda baten aurkeztea deliberatu du, Kristian Etchetto zerrenda buru. Bakotxaren gaitasunak eta esperientziak partikatzeko gisan, nahi duen oro deitua da urriaren 26an (9:00), Francis Jammes karrikako 4.ean eginen den bilkurara. Sokorri Katolikoa Azaroaren 3an, Aterbe Ona elizaren parean, bere kanpaina segitzen du Sokorri Katolikoak, kuskus saltze batekin. Etxera eraman edo hor berean jateko moldea eskainiak dira. Hortarako manatu behar da urriaren 31 aitzin, bi zenbaki hauetarik bat eginez: 06 88 35 67 83 edo 06 74 55 79 94. Pertsona baten zatiak 6,50€ balio du. Ezteiak Urrezko (50 urte) edo diamantezko (60 urte) ezteiak ospatzen dira, hainbeste denboraz elgarrekin egon diren bikoteekin. Aurten ere Herriko Etxeak bikote horiek ohoratu nahi ditu urtero bezala. Hazparnen ezkondu zirenen zerrenda badu, bainan kanpoan ezkondu eta Hazparnen bizi direnen izenak nahi luzke, denen ohoratzeko gisan. Kasu hortan dena, gomitatua da Herriko Etxean agertzera familiako karnetarekin, berantenaz azaroaren 8ko. Lehengo auto, moto eta... Hirugarren aldia da elgarretaratze berezi hau egiten dela Hazparnen: lehengo auto, moto, laneko auto... eta laborantxako tresna. Denetarik izanen da ikusgai urriaren 26 eta 27an Harana plaza eta Ezker Paretan. Erakusketaz gain, tresna horien arranjatzeko piezak ere aurkituko dira salgai. Jakitate eta pasio baten partikatze gune gisa aurkezten dute gertakari hori. Horren antolatzailea “Soupapes et pistons” elkartea da, tresneria horren ezagutaraztea eta bizirik atxikitzea du helburu nagusia. Urteko data berezi hortaz gain, hilabeteko bigarren igandean biltzen dira nahi duten guziak Mendeala sahetsean, elgarren laguntzeko edo berdin ibilaldi baten egiteko. Horrat hurbilduko denak aurkituko du ere jateko eta edatekoa. Iragan urteetako egunak arrakastatsuak izan ziren. Zernahi gertatzen da Hazparnen: Azken asteburuan zaldiak, aitzinekoan motoak, oraino lehenago zakurrak, heldu denean auto, moto eta tresna bereziak!! Eta denetara jendea heldu!!
Email Buffer Facebook Google Twitter Pinterest LinkedIn Digg StumbleUpon Tumblr

3520. zbk

Liranja ederrenak ez dira beti hoberenak emazteak berdin

Adolph Ricard

Gure Hitza | 2019/10/24

Politikero ezdeusak

Jean-Louis Harignordoquy

Estatuburuentzat ez ditaike lan errexa politikari ona izaitea. Horrek eskatzen baitu, nork bere buruaren abantailak baztertuz, ordezkatzen duen jendarte guziaren arrangurak eta ongi izaitea gogoan, aterabide egokiak asmatzen eta bideratzen jakitea, araberako manuak emaitea, estatuko egiturak zinezko zerbitzuak bilaka ditezen. Aitzindari gorenak xede hoberenak ukaitea ez da aski. Lehen lana du gobernu baten muntatzea. Bere alderdiarekin gehiengora heltzen ez delarik, nahitez ikusi behar du beste batzuekin nolako tratuak adostu ditzazken. Gure lehen auzo erresuman politikari on baino politikero ezdeus gehiago ikusten ditugu. Bestenaz, ez zen azaroaren 10ean Espainiako hauteskunde nagusien errepikatze beharrik izanen. Joan den apirilaren 28an Sanchez jarduneko gobernuburu sozialista atera zen garaile, bainan legebiltzarrean gehiengo osotik urrun. Geroztik, Sanchezek denbora galdu du eztabaida antzuetan, ahantzirik duela urte bat hitzemanak. Orduan beste alderdi mul...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016