Dolu: Gertakariak on ala txar jiten diren bezala hartu behar baitira, zoritxarrez berriz ere heriotze bat dut aipagai. Orai Maiena Harriague, Poxulua etxaldeko amaren aldia izan da bizi huntarik aldatzeko 79 urtetan. Lau haurren ama, 4 seme, Erramun bizilaguna errekontruz galdua zuen duela 11 urte, bizitzaren alderdi gogorra ere ezagutzen zuela. Untsa ezagutua ukanez, erraiten ahal dut bere bizitza iragan duela bertzeen zerbitzurako. Hori baitzuen xede lehena, berdin bere burua ahantziz, etxeko bakea eta etxekoen urostasunaren egitea bilatuz. Bereziki Omiasainduz emaiten den "Dohatsutasun" kantikan diren bi bertsutan sar nezake Maienaren bizitzaren bilduma: Dohatsu laño eta eztiak / Dohatsu baketiar direnak. Urriaren 15ean iragan dira Maienaren ehorzketak elizkizun guziz kartsu batzuen berotasunean. Bizia dohatsu izaiteko baldintzetan iraganik, orai dohatsuen artean kausi dezala Maienak merezitu lekua; eta doluan gelditzen den familiari helarazten ditugu gure doluminezko sentimentu anaikorrenak.