Egun eta bihar | 2019ko Urriaren 24a

Kopeta zimur!

J-B D

Kopeta%20zimur!

Departamenduburuak bildu dira Bourges hirian. Kasik denak beltzurika, aurpegia ilun aire eta kopeta zimur. Batzuk deplauki, beste batzuk dena itzuli-mitzuli mintzatuz, erran dute ez direla hain ados, edo ez direla batere ados, nola gerta, gobernuak deraman politikarekin. Diote ez direla aski lagunduak, gero eta karga handiagoa jasan behar dutelarik. Sozial-maileko gastuak besteak beste, ez direnak entraalekoak. Biltzarrean, Jacqueline Gourault ministroa arizan zaiote dena lausengu bainan badira solas horiek ez dituztenak entzun, hain kexu ziren nun kanporat joan baitira prediku luze horren denboran. Eta entzun dituztenak ez batere ados, gobernua abilki mintzo ditakeela bainan egiazko behar-orduez axola handirik gabe. Luzarat segurik, ez dela hola segitzen ahalko, bazterrak aseak direla edo polliki asetzen ari segurik ba.
Email Buffer Facebook Google Twitter Pinterest LinkedIn Digg StumbleUpon Tumblr

Egun eta bihar | 2019/10/24

Greban

J-B D

Nehork etzuen pentsatzen holakorik gertatuko zela joan den asteburu hortan! Burdin-bidetako langile frango bat-batean greban jarri dira Ardennes eskualdean izan den ixtripu baten ondotik. Trein batek jorik burdin-bidearen junta batean errekontruz gelditua zen kamiun bat. Hameka lagun kolpatuak izan baitira. Treinaren gidaria ere kolpatua, laguntzailerik gabe zena usu gertatzen den bezala eta hori da preseski langileen arrangua handienetarik batto. Greban jarri direnek salatu dituzte beren laneko baldintzak eta oroitarazi nolako arrangurak badituzten. Frantzia guzian treinen erdiak nunbait han ez dira beraz batere ibili. Untsa keinka txarrean jin da greba hori, asteburu hortan hasten-eta eskoletan Omiasainduko oporraldia. Usaian baino mugimendu gehiago ba beraz. Greban plantatu direnek ozenki salatzen ezin onetsia daukaten egoera latzegia. SNCF etxe handiko agintariak aldiz kexatuak, funts hortan hasi greba ez dela batere legezkoa. Gobernua ere haserre go...

Irakurri segida

Egun eta bihar | 2019/10/24

Beste bost!

J-B D

Diru negozio oker batzuengatik lau urteren presondegia bildurik duela zonbait denbora Patrick Balkany eskuindar politikari ezagutua, luzaz Levallois- Perret hiriko auzapez izana, berriz zigortua izan da, beste afera nahasi batean hobendun ekarria. Bost urterena ukan du bigarren aldi huntan. Abokata haserre gorrian, segidan dei eginen duela.

Irakurri segida

Egun eta bihar | 2019/10/24

Gibelerat?

Erretreta horiek berriz ere solasgai! Eta baditake afera horrek biziki soka luzea ukanen duen oraino. Emmanuel Macron lehendakariak aski errepikatua du aldaketa pizkorrak badirela sail hortan egitekoak. Bainan zoin denen buru? Eta nola behar da apailatu? Ez presaka gisa guziz, denek hori diote orai, denbora batez bazirelarik biziki presatuak iduri zutenak, Macron bera besteak beste. Berrogoi bat erretreta-kutxa baitira, nahi dituzte batetaratu bainan hori bera ez da lan ttipia izanen! Anitzen gustuko, nola jendea bana beste batean behin, lehen baino gehiago bizitzen den, horrek ere ekartzen du zernahi buru-hauste. Ez ote den orai arte baino urte gehiago ari beharko lanean. Eta denen buru zonbat urtetan hartzen ahalko den erretreta. Jaz oraino gobernuak zion berari egokiena zitzaion bidea beharko zela hartu. Eta bazterrak isilik otoi! Orai, beste kanturik aditzen dugu. Solasketa frango behar dela akulatu batzuekin eta besteekin, denbora hartu beraz, behar ...

Irakurri segida

Egun eta bihar | 2019/10/24

Euskara Geroan

Lizeo desberdinetako euskarazko erakasleen “Euskara Geroan” taldea kezkatua agertu da lizeoko erreforma plantan jarria dela eta, klase elebidunek nola segituko duten. Igorri duten agerian hauxe diote: “Hautuzkoaren estatus berria katastrofikoa da: baliorik ez baxoan eta beste opzioekin kokurrentzian. Arazo oso larria da eta ez dugu Euskal Herrian horren aldeko dinamikarik ikusten. Iduritzen zaigu argiki euskararen egoera txarrera abian dela”. Lizeo batzuen adibideak eman dituzte: Cantau lizeoan: orain arte euskara eta “section euro” posible ziren eta orain hautu bat egin beharko da. Sohütako lizeoan: sail teknologikoan direnentzat, euskara klaseetara orokorrekoekin orain arte jiten ziren. Aurten euskarako orenak kenduak izan dira. Nafarroako lizeoan: jaz 36 ikasle ziren 2.ekoak hautuzkoan, aurten 13 direlarik. Lehenean 36tik 14ra. Euskarak ez du gehiago deus balio baxoan eta ikasleek uzten dute, 3 ordu astero balorerik gabe, biziki moti...

Irakurri segida

3520. zbk

Liranja ederrenak ez dira beti hoberenak emazteak berdin

Adolph Ricard

Gure Hitza | 2019/10/24

Politikero ezdeusak

Jean-Louis Harignordoquy

Estatuburuentzat ez ditaike lan errexa politikari ona izaitea. Horrek eskatzen baitu, nork bere buruaren abantailak baztertuz, ordezkatzen duen jendarte guziaren arrangurak eta ongi izaitea gogoan, aterabide egokiak asmatzen eta bideratzen jakitea, araberako manuak emaitea, estatuko egiturak zinezko zerbitzuak bilaka ditezen. Aitzindari gorenak xede hoberenak ukaitea ez da aski. Lehen lana du gobernu baten muntatzea. Bere alderdiarekin gehiengora heltzen ez delarik, nahitez ikusi behar du beste batzuekin nolako tratuak adostu ditzazken. Gure lehen auzo erresuman politikari on baino politikero ezdeus gehiago ikusten ditugu. Bestenaz, ez zen azaroaren 10ean Espainiako hauteskunde nagusien errepikatze beharrik izanen. Joan den apirilaren 28an Sanchez jarduneko gobernuburu sozialista atera zen garaile, bainan legebiltzarrean gehiengo osotik urrun. Geroztik, Sanchezek denbora galdu du eztabaida antzuetan, ahantzirik duela urte bat hitzemanak. Orduan beste alderdi mul...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016