Hegoaldean | 2019ko Urriaren 24a

Kataluniarekin elkartasunez

Kataluniarekin%20elkartasunez

Milaka pertsona elkartu dira Donostian, Gure Esku plataformak deituta, Kataluniako auziaren kontra Auzitegi Gorenak plazaratu epaia salatzeko eta preso diren politikoei elkartasuna adierazteko ; “Erreferenduma ez da delitua” lelopean egin den manifestazioan. EAJ, EH Bildu eta Podemoseko buruzagi eta kargu publikoak, ELA eta LAB sindikatuetako arduradunak, erakunde sozialetako kideak eta milaka herritar protestara bildu dira, "injustizia izugarri hau" salatzeko jakinez 9 eta 13 urteko kartzelazigorrak ezarri zizkiela Gorenak auzipetuei. Manifestazioa hasi aurretik komunikabideen aurrean egin agerraldian, Lluis Llach abeslari eta diputatu ohiak ohartarazi du Auzitegi Gorenaren epaiak "oinarrizko berme demokratikorik gabe" utzi duela Estatua. Inolako indarkeriarik babestu ez duela eta, azken egunotan Katalunian gertatu diren istiluak ez dituela gaitzetsiko ere erran du, "Estatuko zein Generalitateko poliziak jokatzen ari diren bezala jokatzen jarraitzen duten bitartean". "Manifestazio baketsu bakoitzaren ondoren, poliziak eta Mossoek jarrera probokatzaileak izan dituzte, eta zoritxarrez, erantzuna jaso dute" adierazi du. Torra Generalitateko presidenteak bilkura bat finkatzea eskatu dio Sanchez gobernu buruari bainan bere ahotan, Sanchezek "Kataluniarren ordezkariarekin hitz egiteari uko egiten dio, okerrago, inolako elkarrizketarik ez du nahi".
Email Buffer Facebook Google Twitter Pinterest LinkedIn Digg StumbleUpon Tumblr

Hegoaldean | 2019/10/24

Euskadiko biztanleria: 2.188.017 biztanle

2019ko urtarrilaren 1ean, Euskal Erkidegoan (EAE) 2.188.017 biztanle zeuden, 2012ko datuak gaindituta, sekulan zenbatu herritar kopururik handiena. 2018ko datuekin konparatuta, EAEko populazioa 7.568 pertsonakoa izan da, Eustatek emandako datuen arabera. Lurraldez lurralde aztertu eta, hiru lurraldeetan goratu da biztanleen kopurua 2018an eta 2019an: Gipuzkoan da gehienik izan, 2.928 egoiliar gehiago baititu; duela bi hamarkadan hasitako populazioaren ildoari jarraitzen dio, azken 20 urteetan 44.427 biztanle irabazi baititu: 717.197 biztanle ditu jada. Araba da ondoren, 327.967 egoiliarrekin, aurreko urtean baino 2.449 gehiago eta 1999an baino 44.479 gehiagorekin. Bizkaiak 1.142.853 biztanle ditu, biztanleria ttipiena izan duen lurraldea da, 2.191 egoiliar irabazi baititu urtebetean eta 15.856 bi hamarkadetan.

Irakurri segida

Hegoaldean | 2019/10/24

Hiriburuetan

Euskal Autonomia Erkidegoko hiru hiriburuetan, gora egin du biztanleriak 2018an eta 2019an, eta Gasteiz izan da gorakada handiena ukan duena, 2.334 pertsona gehiago zenbatu baitituzte; Donostiak eta Bilbok 663 eta 620 biztanle irabazi dituzte. 2009 eta 2019 urteen artean Basaurik, Getxok, Portugaletek, Santurtzik eta Sestaok 1.000 biztanle pasa galdu dituzte. EAEko gainerateko udalerrietan, 2018an eta 2019an ez da gorabehera nabarmenik izan. Barakaldok irabazi du biztanle gehien, 442 gehiago baititu. Astigarraga izan da gero gorakada handiena ukan duen herria, %4,36ez goititu baita; 258 herritar gehiagorekin. Beste muturrean, Getxo da, bertan izan baita biztanleriaren beherakada handiena, 442 biztanle galduz. 2009 eta 2019 bitartean, Basaurik, Getxok, Portugaletek, Santurtzik eta Sestaok 1.000 biztanle pasa galdu dituzte, eta 10.557 bizilagun galdu dira guzira Bilbo Handiko udalerrietan.

Irakurri segida

Hegoaldean | 2019/10/24

65 urtez goitiko biztanleak

2019an, 65 urteko eta gehiagoko biztanleak kondatu dituzte EAEn (%22,2) Espainian baino gehiago (%19,4); beste autonomia-erkidego batzuetan, %25etik gora dira adin horretakoak Asturiasko Printzerrian, Gaztela eta Leonen, eta Galizian, besteak beste. Europako beste herri batzuetako datuekin konparatuz, Italia bakarrik da EAEren gainetik, %0,4 bakarrik bada ere. Datuak sexuaren arabera aztertuz gero, emazteen %24,9 dira 65 urtekoak edo hortik gorakoak, eta gizonezkoen %19,5 dira adin horretakoak.

Irakurri segida

Hegoaldean | 2019/10/24

Behi esne ekoizleak gutitzen Nafarroan

10 urte barne, behi esne ekoizleen kopurua 260etarik 160rat jautsi da. Gaur egun 25 990 behiek 242 000 tonelada esne ekoizten dituzte. Beste leku askotan bezala, ekoizleen gutitzearen aurrean, behitegi erraldoiak agertzen dira: hara nola Soria aldean, 18 500 behiko betaldea baden, 200 000 tonelada esne ekoizten dituena.

Irakurri segida

Hegoaldean | 2019/10/24

Jaurlaritza Kaiku enpresako partaide

Eusko Jaurlaritzak baimena eman du Kaikuren kapitalaren parte bat erosteko, 6,6 milioi euro ordainduta: Kaiku Elikadura Korporazioko %7,31. Esne-produktuak eta laborantzako elikagaien produktuak merkaturatu, banatu eta saltzeko Kaiku enpresa nagusia da. Kaikuren bidez, tokiko laborariek ekoiztutako esnearen bilketa bermatzen da. Kaiku 1950eko hamarkadan sortu zen, eta gaur-egun, konpainiaren kapital soziala 82 milioi eurokoa da. Kaiku kooperatiba akzioen %10,79ren jabea da; Laboral Kutxak %8,23 ditu. EMMI AG suitzarra da akzio-gehiengoa duena, %73,47rekin. Orain Eusko Jaurlaritzak erosi duen gainerateko %7,31 Ekarpen Private Equityk zuen. Azken horren bazkideak dira Jaurlaritza bera, hiru Foru Aldundiak, Mondragon taldea eta Kutxabank. Sailburuak jakinarazi duenez, Jaurlaritzak "iraunkortasuneko bokazioarekin" erabaki du akzioak erostea; izan ere, administraritzaren iritziz, Kaiku taldea hazten eta enplegua sortzen ari da, eta "interes estrategikoa" du lab...

Irakurri segida

Hegoaldean | 2019/10/24

Geolocalik, Ameropa Suitzar enpresari 250.000 tonelada potasa salduko

Geolocali, Muga minaren jabeak, potasa esplotatzen du, Undués de Lerda eta Urriés-n (Aragoian), Zangoza eta Xabierren (Nafarroan). Ameropa, suitzar enpresari, 250.000 tonelada potasa urtean saltzeko hitzarmena izenpetu du eta 500000 tonelada saltzeko 2022tik harat. Potasa ongailu eskaria azkar emendatuz doa eta Europak eskas handia jasaiten du. Geolokalik, 800 bat lanpostu sortu behar luzke Aragoien eta Nafarroan.

Irakurri segida

Hegoaldean | 2019/10/24

Euskadi sariak, Ramon Eder, Xamar, Daniel Innerarity eta Isabel Etxeberriarentzat

Bingen Zupiria Eusko Jaurlaritzako Kultura eta Hizkuntza Politika sailburuak 2019ko Euskadi Literatura sarien irabazleak jakinarazi ditu: Ramón Eder (Palmeras Solitarias) Gaztelaniazko Literaturan; Juan Carlos Etxegoien “Xamar” (Etxera bidean) Euskarazko Saiakeran; Daniel Innerarity (Política para perplejos) Gaztelaniazko Saiakeran; Isabel Etxeberria (Etsaiak, lagunak, ezkongaiak, maitaleak, senaremazteak Alice Munroren lana) Euskarazko Literatura Itzulpenean.

Irakurri segida

Hegoaldean | 2019/10/24

Ehunka euskaltzalek Nafarroako Gobernuari “ausardia” eskatu diote Iruñean

Kontseiluak deituta, euskalgintzak elkarretaratzea egin du Nafarroako Gobernuaren egoitzaren aurrean, Nafarroako Auzitegi Nagusiak hartutako erabakiaren aurka protesta egiteko eta euskaldunen hizkuntz eskubideak berma daitezela aldarrikatzeko, "Berdintasuna, justizia eta kohesioa" lelopean. Euskararen jakiteari ez baitio baliorik emaiten Nafarroako zona mistoan. Nafarroako auzitegiek administrazioaren kontratuan euskararen balioari emandako "kolpea" salatu eta Foru Gobernuari dekretuarekin aurrera egin dezan eskatu diote manifestariek, Kontseiluak twitter sare sozialean azaldu duenez. Kontseiluaren izenean hitz egin du Paul Bilbaok, erranez lehen helburua Euskararen Legea "aldatzea " dela eta horretan "tematuko" direla, epaiarekin gertatutakoa horren "ondorioa" delako. Aldi berean, Nafarroako Gobernuari "ausardia" eskatu dio Bilbaok. Ehunka lagun bildu dira elkarretaratzean, "euskaldunontzat berdintasuna eta justizia" eskatzeko, gehiengo sindikalaren babes...

Irakurri segida

3520. zbk

Liranja ederrenak ez dira beti hoberenak emazteak berdin

Adolph Ricard

Gure Hitza | 2019/10/24

Politikero ezdeusak

Jean-Louis Harignordoquy

Estatuburuentzat ez ditaike lan errexa politikari ona izaitea. Horrek eskatzen baitu, nork bere buruaren abantailak baztertuz, ordezkatzen duen jendarte guziaren arrangurak eta ongi izaitea gogoan, aterabide egokiak asmatzen eta bideratzen jakitea, araberako manuak emaitea, estatuko egiturak zinezko zerbitzuak bilaka ditezen. Aitzindari gorenak xede hoberenak ukaitea ez da aski. Lehen lana du gobernu baten muntatzea. Bere alderdiarekin gehiengora heltzen ez delarik, nahitez ikusi behar du beste batzuekin nolako tratuak adostu ditzazken. Gure lehen auzo erresuman politikari on baino politikero ezdeus gehiago ikusten ditugu. Bestenaz, ez zen azaroaren 10ean Espainiako hauteskunde nagusien errepikatze beharrik izanen. Joan den apirilaren 28an Sanchez jarduneko gobernuburu sozialista atera zen garaile, bainan legebiltzarrean gehiengo osotik urrun. Geroztik, Sanchezek denbora galdu du eztabaida antzuetan, ahantzirik duela urte bat hitzemanak. Orduan beste alderdi mul...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016