Amikuzeko eskolen topaketa arrakastatsua joan den ostiralean Donapaleun

Joan den ostiralean, azaroaren 22an, Amikuzeko ikastola eta eskola elebiduneko 150 haur eta 300 buraso bildu dira Donapaleuko zineman. Duela zenbait hilabete, Zabalikek ikastola eta eskoletako erakasleeri proposatu zien ikusgarria asmatzea euskaraz ikasten duten haurrek aukera ukan dezaten elgarrekin zerbait egiteko. Bost eskola jokoan sartu dira (Amikuzeko Ikastola, Ikas Bidea Donapaleuko eskola publikoa, Gabadiko eskola, Amoba eskola,Arberatze, Arboti, Arüe, Etxarri, Domintxineko eskolak).

Nafarroako historia gaiaren inguruan, eskola bakoitzak ikusgarria presentatu du osoki euskaraz eta azken kantuarendako haur guziek elgarrekin eman dute Mixel Thicoiperen "Euskal oihua" kantua. Gaualdiak arrakasta handia ukan du.

Zabalikendako topaketaren helburua euskarazko irakaskuntzaren promozioa egitea da.Gurasoak eta irakasleak eskertu ditu euskararen alde egiten duten lanarendako.

Topaketaren ondotik, jendea goxoki egon da eskainia izan den aperitifan baso bat elgarrekin partekatuz.

Telethon asteburu huntan Amikuzen

Aurten ere Telethonen aldeko kanpaina eginen da Amikuzen. Bi hitzordu proposatuak dira: lehena, ibiakoitz goizean, azaroaren 30ean, ibilaldiak antolatuko dira goizeko 8tan (15km) eta 8:30tan (10km). Bizikletazko lasterketa ere proposatua da goizeko 8:30tan (30km). Eguerditik goiti taloak erosten ahalko dira.

Bigarren hitzordua ibiakoitz arratsean emana da (20:30) Saint-Louis zine gelan eginen den kantaldiarekin.Krexelak eta ondotik Julie Rouault entzuten ahalko dira.

Eguberriko merkatua

Aitzineko urtetan bezala, elkarretaratze hori Amikuzeko ikastolak antolatzen du. 25-30 ekoizle eta sortzailek parte hartuko dute merkatu estalian. Beren mozkinak proposatuko dituzte egun guzian (10:00-18:00).

Jateko eta edateko izanen da egun guzian. Animazio aldetik,kantuz artzeko aukera izanen da eguerditan Amikuze kantuz elkartearekin, eta egunean zehar haurrendako tailerrak proposatuak izanen dira (Euskaraz Bizi taldearekin).