Herriz Herri - Izturitze (NB) | 2024ko Azaroaren 28a

Mia eta mintza - Euskararen 2024 urtaroa

Mia%20eta%20mintza%20-%20Euskararen%202024%20urtaroa

Mia eta mintza

Euskara hizkuntzaren ezagutza barnatu, hobetu nahi duzu eta mintzatzen trebatu?

Gexane Oyharzabal erakasleak lantegi bereziak eskaintzen ditu Izturitzeko Artetxean. 2024-2025 ikasturtean orotara 8 izanen dira: hilabetean behin larunbatez (9:00-11:30). Lehena azaroaren 23an iraganik, huna ondokoak noiz izanen diren: abenduaren 14an, 2025eko urtarrilaren 18an, otsailaren 22an, apirilaren 19an, maiatzaren 17an eta ekainaren 14an.

Xehetasunentzat eta izena emaiteko deitu Gexane Oyharzabal: 06-45-53-79-41 edo solasokoan@gmail.com.

Euskararen 2024 urtaroa

Karia hortara antolatuak diren ekitaldiek euskaraz gozatzeko parada emanen dute aurten ere: azaroaren 29an Donamartirin "Biletxean"literatura gaualdia, azaroaren 30ean Donostirin "Betixutik" gelan arratsaldez musaldi eta mutxikaldi eta abenduaren 3an Izturitzen "Artetxean" (20:00) “Mirande” filma.

Gauaren erdian eguzkia

Peio Jorajuria

“Mundu honetan bagabiltza

infernuaren teilatu gainean

loreeri so eginez”

du idatzia Kobayashi Issa japoniar olerkari maisuak (1763-1828). Hitz gutitan deskribatzen du munduaren egoera: infernua, baina ere loreak.

Denek dakigu, lehen bezala orain ere, mundua zein gaizki doan. Haize tzar batez gelditu gabe joa, alde guzietatik, aire gaixtoak egiten duenaren gisan. Munduaren martxa, abiatu berria den Vendée Globe itsas lasterketari konpara dezaket: mariñelek memento askotan itsasoaren bolada gaiztoeri buru egin behar duten bezala, guk ere mariñelen gisan buru egin behar diegu mota guzietako ekaitzeri: uholde, kutsadura, eritasun, langabezia, suntsiketa soziala, laborantzako lurren ohoin...

Irakurri segida

Gurekin harremanetan sar