Durangoko Azokaren 59. edizioa abenduaren 5etik 8ra iraganen da. Antolatzaileek egitarauaren aurkezpena egin dute azaroaren 20an, Sanagustin Kulturgunean, eta iragarri dute orotara 274 erakusmahai eta 200 ekitaldi izanen direla euskal kulturaren plaza handiena den azoka honetan. Erakusmahai desberdinetan 933 berritasun aurkeztuak izanen dira, hauen artean 639 liburu eta 216 musika argitalpen, 47 aldizkari eta bertze gisako 31 obra.

Azokaren guneak goizetik arrats zabalik egonen dira (10:30-20:00), azken egunean, igandean, 18:00tan ateak hetsiko dituzte.

Ahotseneko guneetako batean literaturari buruzko aurkezpenak eginen dira eta bertzean musikarien zuzeneko emanaldiak ikusi ahalko dira. Plateruenea antzokia kontzertuz beteko da, orotara 34 taldek parte hartuko dute.

Irudienea guneak, urtero bezala, Euskal Herrian euskaraz sortu ikus-entzunezkoak eta zinemagintza erakutsiko ditu. Aurten 40 lan aurkeztuko dituzte. Genero eta estilo guzietakoak izanen dira: fikzioak,...

Iruñeko Erorien Monumentua 1941ean eraikia izan zen, Espainiako Gerla Zibilean Frankismoaren alde borrokatuz hil ziren nafarren omentzeko. Monumentu hau eraldatu eta bertze funts bat emateko, hitzarmen historikoa finkatu dute EH Bilduk, PSNk eta Geroa Baik. Hemendik aitzina, Maravillas Lamberto Interpretazio Zentroa izanen da.

Hitzarmenaren xehetasunak azaltzeko egin duten agerraldian, hiru taldeetako ordezkariek adierazi dute eraikinaren “ikur eta elementu frankista guziak” desegin eta “faxismoaren kontrako eta memoria demokratikoaren aldeko” zentro bat abian ematea adostu dutela.

Bertzeak bertze, kupula sinbolikoa estaliko dute eta Emilio Mola eta Jose Sanjurjo jeneral kolpisten hilotzak errezibitu zituzten kriptak kenduko dituzte. Ez dute, beraz, eraikin osoa botako, memoriaren aldeko 30 taldek galdegin bezala. Erran-nahia aldatu, askatasunaren eta demokraziaren aldeko gune bilakatuko dute, Frankismoaren krimenak eta biktimak oroitzeko gai izanen dena.

Duela zenbait hilabete Bilbon gertatu bezala, Donostiaren aldi da hiri erdiguneko ibilgailuen joan-jinei muga berriak ezartzeko. Gipuzkoako hiriburuko Udalak hilabete hondarra aitzin onartuko du behin betiko Emisio Gutxiko Eremua arautuko duen ordenantza. Abenduan hasiko da froga fasea, eta 2025aren hastapenean aplikatuko da. Haatik urtarrilean eta otsailean araua hautsiko dutenek soilik abisua ukanen dute, martxoa arte ez da isunik emanen.

Emisio Gutiko Eremua Boulevarretik Araba parkeraino hedatuko da, eta kaia eta Arbaizeneko ingurua ere hartuko ditu.

Eremu hauek zaindu ahal izateko, 10 kamera finkok kontrolatuko dituzte sartze eta ateratzeak. Ibilgailuen matrikulak irakurriko dituzte kamerek, sartzeko baimenik baduten egiaztatzeko.

Baimenik gabe emisio gutiko eremuan sartzen diren ibilgailuek 200 euroko isuna ukanen dute, eta araua behin baino gehiagotan urratzen dutenek %30 gehiago pagatu beharko dute.

Araudi berri honen helburua da Donostian mugikortasu...

Gipuzkoako Foru Aldundiak gidaririk gabeko ibilgailu zerbitzua plantan ezarri nahi du herri ttipietako garraio publikoa osatzeko. Esperientzia pilotu hau Abaltzisketa eta Amezketa arteko bidean eramana izanen da. Bi herriak lotzen dituen errepidearen ezaugarriak aztertuko dituzte lehenik, gidaririk gabeko autoen teknologiak gisa horretako bideetara egokitzeko duen gaitasuna neurtzeko.

Ibilgailu autonomoak bide ttipietako bihurgune, malda eta baldintza aldakorretara nola moldatzen diren ikusi ondoan, heldu den martxotik aitzina herritarrek frogak egiten ahalko dituzte tresna berri horiekin, eta ondotik beren iritziak jakinarazi beharko dituzte. Lehenbiziko frogak egitean, autoak gidaria ukanen du.

LandaGO izeneko proiektu hau aurkezteko egin duen agerraldian, Eider Mendoza Gipuzkoako Foru Aldundiko diputatu nagusiak azpimarratu du Europa mailan “mugikortasun autonomoan aitzindaria” izanen dela egitasmoa, eta “herri txikietako garraio aukerak eraldatzea” duela helb...

Gipuzkoa - Gipuzkoako EAJren Lurralde Batzarrak Maria Eugenia Arrizabalaga izendatu du Gipuzkoa Buru Batzarreko lehendakari. Alderdiko atal hori zuzenduko duen lehen emaztea izanen da. Joseba Egibar ordezkatuko du kargu horretan. Maria Eugenia Arrizabalagak 57 urte ditu, EBBko kidea da, eta legebiltzarreko kargua utzi berri du Gipuzkoako Batzar Nagusietako bozeramaile lana segurtatzeko.

Hautatua izan ondoan, heldu diren lau urteetako lan ildo nagusiak azaldu ditu Arrizabalagak: “munduan bezala, gurean ere azken boladan zabaltzen ari den populismo merkeari aurre egitea, demokrazia indartzea, euskal nazioa erreinbidikatzea, herria euskaraz eraikitzea eta justizia soziala etengabe lantzea izango dira gure lanaren oinarriak”.

Araba - Araban, berriz, Jone Berriozabal hautatu dute ABBko presidente izateko, Jose Antonio Suso ordezkatuko du. Durangon (Bizkaia) sortua da, 1982an. Gipuzkoaren kasuan bezala, kargu hau betetzen duen lehen emazte...