Eguberriko merkatua

San Josepe eskolako haurren burasoek antolaturik iragan da hazilaren 23an larunbatez egun guzia, Lur Berri gelan. 20 mahain baziren, ikastolak ere bazuen berea. Eskolako burasoek bazuten bat, gauza guziak berek eginak zituzten, egin dute lan! Denek bazituzten gauza ederrak, partikulazki haurrentzat zeren Eguberri hurbil baita, eta helduentzat ere denak bata bertzea bezain ederrak. Jende asko ibili da gauza horien ikusten eta erosten, dena aski ongi pasatu da, kafe bero pixka bat edanez goxokiekin. Elkarteak denak eskertzen ditu, Herriko Etxea Lur Berri gela eder hori prestatzeagatik, bai ere burasoak eta borondate onekoak. Segi hola eta heldu den urte arte.

Pilota

Trinketean lehen mailan: Mariluz Julen – Etcheverry Unai irabazle 40-28 Iribarren Unai – Lecuona Aritzen kontra. 2. mailan: Etxeberri Pacheco Manex – Zozaya Eñaut galtzaile 12-40 Zaharrer Segiren kontra. Gazteak: Heredia Unai – Berasategui Unai irabazle 40-34 Goizeko Izarraren kontra. Alduntzin Kaiet – Marin Imaz Eneko irabazle 40-14 Denek Bat-en kontra. Gaztetxoak: Larrañaga Ekhi – Saint Martin Andoni galtzaile 15-40 Baionaren kontra. Lafitte Unai – Berasateguy Eñaut irabazle 40-32 Urruñarrak-en kontra. Kimuak: Babace Leizagoien Oihane – Zabaleta Orhi irabazle 40-15 Azkaindarrak-en kontra. Goyeneche Mikel – Sanjurjo Behoteguy Jon irabazle 40-11 Azkaindarrak-en kontra. Berasategi Andde – Lafitte Julen irabazle 40-27 Kapito Harriren kontra. Lopes Kepa – Jauregui Peio irabazle 40-22 Senpereren kontra. Andueza Aguirre Peio – Bareyere Battit galtzaile 27-40 Inthalatz-en kontra. Umetxoak: Lefranc Koskarat Gilen – Lafitte Mattin irabazle 20-19 Urruñarrak-en kontra. Iturbide Pettit – Etxegarai Alkarte Amets irabazle 20-14 Kanboarrak-en kontra.

Errugbia

Sarak irabazi du 35-27 Jurançon-en kontra.