Hirugarren adinekoen elkarteak iragan igandean egin du urteko biltzar nagusia.

Hirugarren adinekoen elkarteak iragan igandean egin du urteko biltzar nagusia. Dauzkan 220 kidetarik 160ek parte hartu dute elgarretaratze huntan. Hasieran, isiltasun unea egin da, mundu huntarik joan 7 kideen oroimenez. Urtean zehar egin jarduera desberdinetan, bi bazkari egin dira herrian berean, bakoitzak 155 kide bildu dituenak. Hiru ateraldi antolatu dira: Hondarribiara, ondotik Hendaian Abbadia jauregiaren bisitarekin; "Aspe" ibarrean gaindi, Sarrance herriaren bai eta Erdi Aroko Borce herrixkaren bisitarekin eta azkenik, Hegoaldean Getariaren ikustaldia egin ahal izan ez dena errekontru batengatik bainan bazkal ondoan Donostiarena, ongi gozatu dena. Bestalde, hilabeteko lehen ortzegunarekin, 35 bat lagun elgarretaratzen dira atsalaskaria egiteko eta ondotik karta jokoetan arratsaldea betetzen dutela. Departamenduko "Mouvement 64" elkarteak antolatu bideetako segurtazunaz egin formakuntzan, multxo pollit batek parte hartu du. Buruilez, 8 kidek parte hartu dute departamenduko federakuntzak Italiako Toscane aldera antolatu bidaian. Mayi eta Jeanine trikotatzaileen esku abilak beti hor daude haur ttipien jantzi bereziak egiteko, nekezian diren ama behartueri eskaintzeko. Aurten, berrikuntza izan da administrazio kontseiluan: hamalau urtez lehendakari egonik, Angele Añorgak bere kargua utzi du, ordaina ondoko egunetan hautatu beharra da. Bestalde, hiru kontseilari berri sartu dira: Maite Izoco, Paulette Pascassio eta Jean Baptiste Lambert. Usaian bezala, Paxkal sukaldariak prestatu bazkari ona gozatu ondoan, Joseph Darraidouren akordeoiak airostu eta mugiarazi ditu bazterrak.