Herriz Herri - Ezpeleta (L) | 2017ko Martxoaren 10a
Jacques Carriat
Ezpeletarra zen Jacques Carriat. 1933an sortua zen eta gutiegi liteke erraitea herrian ezagutua zela bera ta hunen familia. Adrien aitatxi xokoleta egilea zuen karrikako etxe batean berean zituela errota harriak. Rémy bere aitak muntatu zuen larrutegi bat, beti Rémy Carriat bere izena dakarrena nahiz eta belaunaldiak aitzina doazen. Jacques gaztea ez zen geldirik egon: larru apaindegi maileko inginadore bilakatu zen, Aljeriako gerlan ibili lotinant graduarekin eta ondotik larrutegiaz arduratu. Auzapez kargua hiru mandatuz atxiki du, 1989 arte: garai hortan eraikiak izan dira merkatu estalia, eskola publiko berria baita ere Ezpela trinketa. Hiru haur ukan ditu, hiru alaba, Marie horietarik batek hartuak baititu aspaldi enpresaren giderrak. Larrutegi hau errotik martxan da, holako hainbatek amore eman dutelarik. Arrabots guti bainan beti aitzina, herritar ainitzen onetan.
Gizon laket, maitagarri eta urguilu gabekoa zen Jacques Carriat. Gure doluminak doaze familia guziari.
