Herriz Herri - Aldude (NB) | 2017ko Maiatzaren 04a

Elorri Garat psikologoarekin elgar-trukaketa

Baleako Haziak mikro-haurtzaindegiak gomitatzen zaituzte Elorri Garat psikologoarekin elgarretaratzera maiatzaren 12an, ortziralarekin, arratseko 8ak eterdietan, Aldudeko Erreka Gorrin.

Baleako Haziak mikro-haurtzaindegiak gomitatzen zaituzte Elorri Garat psikologoarekin elgarretaratzera maiatzaren 12an, ortziralarekin, arratseko 8ak eterdietan, Aldudeko Erreka Gorrin. Elorri Garatek onginahizko komunikazioa aipatuko du: nola goxoki komunikatu haur eta burasoen artean, gazte eta xaharren artean, egunerokoak presiopean jartzen gaituelarik? Deneri idekia izanen den mementua izanen da: buraso, aitatxi-amatxi, hezitzaile, haur munduko profesional, osasun eta zahar etxeko langile. Sartzea dohainik; jateko eta edateko ere eskainiko da. Osoki euskaraz iraganen da gaualdia, bat-bateko itzulpena segurtatuko du Antton Harignordoquyk frantseserat, Euskararen Erakunde Publikoak prestatu materialari esker.

3399. zbk

Badira gauza batzuk badakizkigunak baina guhaur ez ohartzen badakizkigula.

Paul Valéry

Gure Hitza | 2017/05/04

Esperantza bide ala ilusione huts?

Peio Jorajuria

Igandean trenkatuko da Frantziako lehendakaritzarako bozaldia. Bigarren itzuli horretan, ustekabeko lurrikara salbu, fronte errepublikanoak hein bat aise gainditu behar luke Fronte Nazionala.

Igandean trenkatuko da Frantziako lehendakaritzarako bozaldia. Bigarren itzuli horretan, ustekabeko lurrikara salbu, fronte errepublikanoak hein bat aise gainditu behar luke Fronte Nazionala. Ez menturaz hastapen batean pentsatuko zen nagusitasunarekin, abstentzio handia izan baidaiteke, Fronte Nazionala faboratuko duena. Ohargarri da alderdi xenofobo hori urtetik urtera indartuz doala, ez baitezpada bere ideia arrazistek erakarrarazirik baina eskuinaren eta ezkerraren orain arteko politika kaskarrek hazirik. Politika horiek bazterrera bota duten jendea da, ezin bertzean eta etsiturik, eskuin burura lerratu, langabezia handia eta inmigrazio saldoak jasaten dituzten eskualdetan bereziki. Gure eskualdeko jendea ere doi bat, beti gehiago, alta ez lukeelarik arrazoi berezirik horretarako. Harrigarri zaigu ikustea Etxarrin Fronte Nazionala izan dela alderdi bozkatuena lehen itzuli horretan, eta bertze herri batzuetan bigarren alderdi bozkatuena, Haltsun, Luhuson, Aintzilen, Gixunen,...

Irakurri segida

PDFa jaitsi